• USD 468.56

  • EUR 497.56

  • RUB 7.3

  • CNY 67.18

28 Naýryz, 19:03:41
Almaty
+35°

Qala kúnin merekeleý aıasynda Baqytjan Saǵyntaev 14-20 qyrkúıek aralyǵynda ótetin II Halyqaralyq Almaty Film Festival kınofestıvaliniń ashylý rásimine qatysty. Festıvaldiń urany – "Mádenıetterdi jaqyndastyrý", dep habarlaıdy ákimdiktiń baspasóz qyzmeti.

Negizgi konkýrsqa 2019 jylǵy eki jáne odan da kóp eldiń ónimderi bolyp tabylatyn 12 kınokartına tústi. Konkýrsqa kópjyldyq seriktestik qarym-qatynas qalyptasqan jáne halyqaralyq kınofestıvalderde usynylǵan elderdiń ko-ónimderiniń fılmderi, sondaı-aq sırek ko-ónimderdiń fılmderi endi. Festıvaldi ashqan qala ákimi 10-nan astam elden kelgen, atap aıtqanda, Reseı, Qyrǵyzstan, О́zbekstan, Iran, AQSh, Germanııa, Ulybrıtanııa, Fransııa, Nıderlandy, Qytaı, Úndistan, Ońtústik Koreıa, Italııa, Ázirbaıjan, Bolgarııa, Bangladesh, Portýgalııa, Sıngapýr, Palestına, Argentına qonaqtaryna iltıpat bildirdi.

– Festıvaldiń ótip jatqanyna eki-aq jyl boldy. Biraq ol álemdik kınojobalar kúntizbesinde laıyqty oryn ala bildi. Bul – Aqan Sataev sekildi kınoǵa ǵashyq jandardyń eren eńbegi. Osyndaı entýzıastardyń arqasynda festıval qala kórkiniń bir bólshegine aınaldy, – dedi B. Saǵyntaev.

Megapolıs basshysynyń aıtýynsha, Almaty – janǵa jylý syılaıtyn jaıly ári kreatıvti qala. Al onyń turǵyndary kıno ónerin baǵalaı alady jáne túsinedi. Mundaı sharalar elimizdiń mádenı astanasy bolyp tabylatyn Almatynyń jetistigin eseleı túsetini anyq.

Festıvalde IýNESKO-men birlesken "Kınodaǵy áıelder", "Ecfa" balalar fılmderiniń eýropalyq qaýymdastyǵymen birlesken "Otbasylyq kıno" baǵdarlamasy, "Jarqyn debıýtter" baǵdarlamasy jáne "Ushqyn" stýdenttik kınofestıvali jeńimpazdarynyń baǵdarlamasy sııaqty konkýrstan tys baǵdarlamalar usynylady. "Erekshe oqıǵa" baǵdarlamasy aıasynda "ALMATY FILM FESTIVAL" Halyqaralyq kınofestıvaliniń ataqty álemdik qonaqtarynyń jańa jáne retrospektıvti fılmderi, sondaı-aq biregeı gala-premerler kórsetiledi. Jabylý rásimi kezinde 5 negizgi nomınasııa boıynsha marapattaý ótedi:

• Kınofestıval Gran-prıi;

• Úzdik rejısser;

• Úzdik akter;

• Úzdik aktrısa;

• Qazylar alqasynyń arnaıy júldesi;

• IýNESKO-nyń arnaıy syılyǵy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir