• USD 389.52
  • EUR 429.21
  • RUB 6.07
  • CNY 54.94
15 Qazan, 10:45:26
Ermekbaev: Jumys qaýipti, ómirleri úshin qaýip-qater bar

15 Qyrkúıek, 2019 NEWS

Qala ákimi B. Saǵyntaev: Almaty – armandar oryndalatyn meken

Tuńǵysh Prezıdent saıabaǵynda Almatynyń týǵan kúni atap ótildi. Merekeniń "tuzdyǵyn" dástúrli "Alma Fest" alma festıvali keltirdi, dep jazady Qamshy.kz aqparat agenttigi qalalyq ákimdiktiń baspasóz qyzmetiniń deregin negiz etip.

Almatylyqtardy Qala kúnimen quttyqtaǵan megapolıs basshysy óz sózinde Elbasynyń "Uly dalanyń jeti qyry" atty maqalasynda Almatyny eń ádemi qalalardyń birine teńeıtinin tilge tıek etti.

"Ile Alataýy álemge shyǵý tarıhy myńjyldyqqa jetken alma men qyzǵaldaqty pash etti. Almatynyń da kópǵasyrlyq tarıhy bar, – dedi shahar basshysy. Sondaı-aq, qala ákiminiń aıtýynsha, Almaty – Táýelsizdiktiń altyn besigi ári qarqyndy damyp kele jatqan megapolıs. Oǵan qosa ǵylym men bilimniń, mádenıet pen ónerdiń, qarjy, týrıstik jáne sport ortalyǵy. "Súıikti Almatymyz – jastyqtyń, daryndylar men sulýlyqtyń, meıirimdiliktiń qalasy. Bul – armandar oryndalatyn qala! Sol sebepti Almatynyń bolashaǵy zor. Shyn júrekten Almaty men almatylyqtarǵa densaýlyq pen tabys tileımin! – dedi B.Saǵyntaev.

Merekeniń baǵdarlamasy mazmundy. Saıabaq aýmaǵy birqatar taqyryptyq aımaqtarǵa bólingen. Ashyq aspan astyndaǵy zamanaýı óner aımaǵy óz aldyna bir tóbe. Al "Alma Bazar" jármeńkesinen barlyq suryptaǵy almany satyp alýǵa bolady. "Alma Master" qolónershiler jármeńkesi de uıymdastyryldy. "Alma Fashion" sán jáne stıl aımaǵy men belsendilerge arnalǵan "Alma Drive" sport alańy jumys istep tur. Al otbasylyq demalýshylarǵa arnalǵan "Alma Otbasy" aımaǵyndaǵy sheberlik synyptar men oıyn-saýyq baǵdarlamasy taptyrmas ortanyń biri.

Barlyq qonaqtar úshin "Alma Auen" mýzykalyq konserttik baǵdarlamasy daıyndaldy. Jyl saıyn Qala kúni merekesinde Tuńǵysh Prezıdent parkine 300 myńǵa jýyq turǵyn keledi. Baqsha sharýashylyǵy da túrli suryptaǵy 100 myń tonna alma ákeldi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir