• USD 389.52
  • EUR 429.21
  • RUB 6.07
  • CNY 54.94
15 Qazan, 15:49:32
Saılaý qarsańynda "joǵalyp ketken" akter Shrı-Lankadan sálem joldady (vıdeo)

16 Qyrkúıek, 2019 NEWS

«Qazaqfılm» kınostýdııasynda qazaq kınosynyń mýzeıi ashyldy

16 qyrkúıek kúni Almatydaǵy «Qazaqfılm» kınostýdııasynyń aýmaǵynda Sh. Aımanov atyndaǵy qazaq kınosynyń mýzeıi saltanatty túrde ashyldy, dep habarlaıdy Qamshy.kz aqparat agenttigi.

Munda qundy muraǵattyq eksponattar jınaqtalǵan, olardyń arasynda aty ańyzǵa aınalǵan rejısser Sergeı Eızenshteınniń kamerasy, qazaq kınematografısteriniń klassıgi Sháken Aımanovtyń jeke zattary men kolleksııasy, kınofılmder keıipkerleri kıgen erekshe kostıýmder jáne basqalary bar. Mýzeıdiń basty maqtanyshy – Sháken Kenjetaıuly Aımanovtyń qaıta qalpyna keltirilgen jumys kabıneti.

Alqaly sharaǵa QR Mádenıet jáne sport vıse-mınıstri Nurǵısa Dáýeshov, Almaty ákimi Baqytjan Saǵyntaev, KSRO halyq artısi Asanáli Áshimov, memleket jáne qoǵam qaıratkeri Eset Qosýbaev, Qazaqstan kınematografısteri odaǵynyń tóraǵasy Ermek Tursynov, kınostýdııa basshylyǵy men ujymy jáne tanymal kıno qaıratkerler qatysty.

«Búgin biz Sizdermen birge mańyzdy mádenı oqıǵa – aty ańyzǵa aınalǵan Sháken Aımanov atyndaǵy qazaq kınosy mýzeıiniń ashylýyna kýá bolýdamyz. Mýzeıdegi barlyq eksponattar qazaq kınosynyń klassıgine aınalǵan sol kezdegi ǵajap týyndylardyń tarıhynan syr shertedi. Bar ómirlerin kıno álemin damytýǵa arnaǵan ǵıbratty jandar jınaǵan ári saqtaǵan ár buıym barynsha qymbat. Mysaly, Sultan Qojyqovtyń «Qyz Jibek fılminiń» qoıýshy- sýretshisi bolǵan Gúlfaırýz Ismaılova bas keıipkerdiń kamzolyn, kóılegin jáne sáýkelesin saqtap qalyp, mýzeıge tapsyrǵan. Ivan Zaısevtiń arqasynda kóneden qalǵan kınotehnıka kópshilik kózaıymyna aınalmaq. Meńtaı О́tepbergenov eski fılmderdiń afıshalaryn sol qalpynda saqtaǵan. Mýzeıdiń qalyptasýyna jáne ashylýyna Sháken Kenjetaıulynyń týystary zor úles qosty.Ortaq istegi olardyń eńbegi eren. Endi mýzeıdiń árbir qonaǵy qazaq kınosynyń tarıhyna tereń boılaı alady», –  dedi kınostýdııa prezıdenti Arman Ásenov.

«Barlyq kınematografısterdi Sh. Aımanov atyndaǵy qazaq kınosy mýzeıiniń ashylýymen quttyqtaımyn. Jańa mádenı oshaq búginnen bastap arý qalamyz Almatynyń kórneki oryndarynyń birine aınalatyndyǵy shyndyq. Mýzeıdiń basty mıssııasy – qazaq kınematografymen tikeleı baılanysty baǵa jetpes muraǵattyq eksponattardy kózdiń qarashyǵyndaı saqtap, onyń baı tarıhyn halyqqa jetkizý Bul alǵashqy ári barynsha ǵajap eksponattar jıyntyǵynyń jastardy ǵana emes, qalamyzǵa kelgen barlyq sheteldik qonaqtady da qyzyqtyratynyna senimdimin», – dedi Almaty qalasynyń ákimi Baqytjan Saǵyntaev.

Dál osy kúni mýzeı kolleksııasy taǵy úsh baǵaly eksponattarmen tolyqty. Olar – Sháken Aımanovtyń 100 jyldyǵy men Qazaq anımasııasynyń 50 jyldyǵyna oraı QR Ulttyq banki shyǵarǵan merekelik kúmis tıyndar, «Qazposhta» AQ jasaǵan taqyryptyq markalar.

Bulardy QR Ulttyq bankiniń Bas dızaıneri Almat Basenov pen «Qazposhta» AQ poshta tólemderi belgileri basqarmasynyń tehnıkalyq redaktory Ońǵarbaı Ińkárim-aı tapsyrdy.

almaty.gov.kz

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir