• USD 389.52
  • EUR 429.21
  • RUB 6.07
  • CNY 54.94
19 Qazan, 16:37:57
Nazarbaev: "Nur Otan" halyqty mazalaıtyn máselelerge aralaspaıdy

15 Qyrkúıek, 2019 Aımaqtar

"Tórtkúldegi" tarazdyq sheberdiń týyndylary týrısterdiń kóńilinen shyǵýda

Tarazdyq Abylhan О́tepbergenov elý jasynda qolónerge bet buryp, qoshqarmúıiz jasaýdy qolǵa alǵan. Búginde sheberdiń týyndylary «Tórtkúl» keshenindegi «Kóne Taraz sheberleri» etnojobasyna qoıylyp, qala turǵyndary men qonaqtarynyń tarapynan oń baǵaǵa ıe bolýda, dep jazady Qamshy.kz aqparat agenttigi. 

Alys joldarǵa shyǵatyn júk kólikterin tizgindegen kólik júrgizýshisi bolǵan A.О́tepbergenovtyń boıyndaǵy sýret salý, qolóner buıymdaryn jasaý, aǵash oıý qabileti 4 jyl buryn oıanǵan.

–2015 jyly Taraz qalasynda Qazaq handyǵynyń 550 jyldyǵy mereıtoıy dúrkirep ótti. Sol sharanyń aıasynda ótkizilgen respýblıka aıtysqa baryp, «Balasaǵun» ortalyq konsert zalynyń dálizinde ashylǵan kórmeden kóne aǵash ydysqa kózim tústi. О́te sheber jasalǵan dúnıege súısingenim sonshalyqty ony jasap kórýge tyrystym.

Úıge barǵan soń kórmedegi dúnıe kóz aldymda turyp aldy. Birer kúnnen oıda joqta esik aldyndaǵy jemis aǵashynyń birneshe jyldan beri jemis bermeı qur turǵany esime sap ete qaldy. Dereý aǵashty kesip, keptirdim. Alǵashqy týyndymdy dál osy aǵashtan qarapaıym balta, ara, pyshaqtyń kómegime oıyp aldym. Jaman shyqpaǵan sııaqty,–deıdi sheber.

Tyrnaqaldy týyndysyn oıýǵa kóńil aýǵan kelinine syıǵa tartqa sheber munan soń bul ispen shyndap aınalysýǵa bel býady. Alaıda sheber alǵashqy jasaǵan týyndylarynyń deni ózine unamaǵanyn aıtady. Munyń sebebin sheber qajetti qural-jabdyqtardyń bolmaýymen túsindiredi. Kóp ótpeı sheberdiń qolynan kádesyıdyń túr-túri shyqty. Keıinnen az-maz qarjynyń basyn jınap, qolóner sheberine qajetti buıymdardy satyp alady. Qazir sheber Jambyl aýdanyndaǵy Aısha bıbi aýylynan Tarazdaǵy ejelgi «Tórtkúl» kerýen saraıyna arnaıy kelip, oblys ákimdiginiń týrızm basqarmasy uıymdastyrǵan «Kóne Taraz sheberleri» etnojobasyna qatysady. Búginde óziniń baı tarıhymen jáne ańyz-áńgimeler arqaý bolýymen óńirdegi birden bir týrıstik nysan sanalatyn «Tórtkúlge» taban tiregenderdiń arasynda Abylhan О́tepbergenovtyń týyndylaryna súısine qaraıdy. Tipti on saýsaǵynan óner tamǵan sheberdiń kózdiń jaýyn alar buıymdardyń janynda saǵat boıy tapjylmaı otyratyndar tabyldy. Aıtpaqshy Abylhan sheberdiń qolóner jasaýdaǵy erekshelikterine qyzyǵýshylardyń arasynda óziniń nemeresi Madına da bar.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir