"Shahrıstan" Jambyl týrızminiń boıtumaryna aınalady

Taraz qalasyndaǵy «Kóne Taraz»arheologııalyq kesheni jobasynyń jalǵasy retinde salynyp jatqan «Shahrıstan» tarıhı-mádenı ortalyǵy oblys týrızminiń boıtumaryna aınalmaq.О́ıtkeni munda ólketaný murajaıy, «Rýhanııat» ortalyǵy, qolóner sheberleri men kórkemsýret galereıasy, kórme pavılony, amfıteatr syndy biregeı nysandar salynady, dep jazady Qamshy.kz aqparat agenttigi. 

Qazirgi tańda «Shahrıstan» tarıhı-mádenı ortalyǵynyń qurylysymen 8 qurylys kompanııasy aınalysyp jatyr. Qurylys jumystaryn qazan aıynyń sońyna deıin tolyq aıaqtaý josparlanyp otyr. О́z kezeginde jańa tarıhı-mádenı ortalyǵynyń qurylysy oblys ákimi Asqar Myrzahmetovtiń tikeleı baqylaýyna alǵan. О́ńir basshysy jaýapty basqarmalarǵa dızaınerlik árleý jumystarynda jańa tehnologııany meńgergen kompanııalarmen áriptestik tanytýdy tapsyrdy.

Al oblys ákimdiginiń týrızm basqarmasynyń basshysy Qarlyǵash Aralbekova «Shahrıstan» tarıhı-mádenı ortalyǵyndaǵy kórme zalynda óńirdegi týrıstik nysandarmen onlaın rejımde tanysýǵa múmkindik beretin qurylǵylardyń ornatylatyndyǵyn aıtady. Al sheberler qalashyǵynda 23 qolóner sheberiniń 1 118 kádesyıy saýdaǵa shyǵarylmaq.

–Álemdik týrızm naryǵynda Parıj sán astanasy retinde tanymal bolsa, biz Tarazdy sheberler qalasy retinde tanytatyn bolamyz, –deıdi Qarlyǵash Ámirqyzy.

Qurylys basqarmasynyń ókilderi mundaǵy qurylys, sáýlettik árleý jumystarynyń ózgeshelikterin aıtady.

— Bul mańdaǵy nysandardyń ózge qalalardaǵydaı «Arbat» tolyqtyrady. Tipti Tarazda 3 birdeı «Arbat» bolady. Onyń biri «Mart» saýda ortalyǵynyń artynda salynady. Kósheni boılaı 350 metrlik kanal aǵyp jatyr. Kanaldy lazerik shoý tıpinde árleý jumystary júrgizilmek.

«Shahrıstan» tarıhı-mádenı ortalyǵy «Kóne Taraz» arheologııalyq kesheniniń bir bóligi bolǵandyqtan eki nysan aralyǵyn jalǵaıtyn 1 shaqyrymdyq jolda jaıaý júrginshilerge arnalǵan «Arbat» etip salynady. Keshen aýmaǵyndaǵy turǵyn úıler men 4 kásipkerlik nysannyń syrtqy qasbeti shyǵystyq úlgide árlenip jatyr,–deıdi oblys ákimdigi qurylys basqarmasy basshysynyń keńesshisi Rahmanqul Baıtelıev.

Aıta ketý kerek, oblystyń 80 jyldyǵyna oraı uıymdastyrylatyn negizgi sharalar legin dál osy «Shahrıstan» tarıhı-mádenı ortalyǵyndaǵy ótkizý josparlanyp otyr.