• USD 389.52
  • EUR 429.21
  • RUB 6.07
  • CNY 54.94
21 Qazan, 01:43:41
Nazarbaev: "Nur Otan" halyqty mazalaıtyn máselelerge aralaspaıdy

16 Qyrkúıek, 2019 Mańǵystaý oblysy

Aqtaýda kaspıı mańy memleketteriniń birinshi endohırýrgııalyq kongresi bastaldy

Kongress jumysyna Qazaqstan, Reseı, Iran, Ázirbaıjan, Fransııa, Italııa, Ýkraına, Grýzııa, Ońtústik Koreıanyń jetekshi hırýrgteri qatysýda. Shara 4 kúnge jalǵasady. Kongress baǵdarlamasy keńeıtilgen, basqosýda halyqaralyq sarapshylar sóz sóıleıdi, dóńgelek ústelder, baıandamalar jáne pikirtalastar uıymdastyrylady. Kongress aıasynda Reseı, Ázirbaıjan, Fransııa jáne Qazaqstannyń jetekshi endoskopııalyq hırýrgterdiń qatysýymen sheberlik-klasstar ótkiziledi.

Mańǵystaý óńirinde ótip jatqan Kongress - hırýrgııanyń, gınekologııanyń, onkologııanyń, balalar hırýrgııasynyń, ásirese ártúrli aýrýlardyń hırýrgııalyq emdeýdiń ózekti máselelerin talqylaý úshin tamasha múmkindik. Sonymen qatar, Kongress Kaspıı mańy elderiniń hırýrgııalyq qaýymdastyǵy ókilderiniń yntymaqtastyǵyn nyǵaıtýda mańyzy zor.

Aldymen sóz alǵan Mańǵystaý oblysy densaýlyq saqtaý basqarmasynyń basshysy Ánýar Saǵymbaev, aımaqta jasalatyn otalardyń 70% astamy qazirgi zamanǵy endohırýrgııalyq tehnologııalardy paıdalanýmen ótkiziletinin tilge tıek etti. Sondaı-aq, mańǵystaýlyq hırýrgter elde alǵashqylardyń biri bolyp jetekshi sheteldik klınıkalarda endoskopııalyq hırýrgııa boıynsha taǵylymdamadan ótken. Vedomstva basshysy keler 2020 jyldan bastap elimizde júzege asyrylatyn mindetti áleýmettik medısınalyq saqtandyrý týraly da aıtyp ótti. 111

Sharada sóz alǵandar qatarynda Kongrestiń qurmetti tóraǵasy Serik Toqpanov, elimizdiń bas onkology Dılıara Qaıdarova, medısına ǵylymdarynyń doktory,  professor Jaqsylyq Dosqalıev bar. Kongrestiń alǵashqy kúninde kolorektaldy hırýrgııanyń bolashaǵy, onkologııadaǵy laparoskopııa, balalardaǵy qolqa jáne onyń tamyrlaryndaǵy endohırýrgııaly otalar, qazirgi zamandaǵy endoskopııalyq hırýrgııa, qateler men asqynýlardy aldyn-alý, elimizdegi transplanttaýdy úılestirý qyzmeti, uıqybeziniń jylaýyq neoplazııasyn optımaldy emdeý, egizderge transfýzııa sındromyn fetoskopııalyq emdeý máseleleri talqylandy.

Tórt klınıkalyq bazada, atap aıtqanda Mańǵystaý oblystyq aýrýhanasy, perınataldyq ortalyq, ballar aýrýhanasy jáne onkologııalyq dıspanserde otandyq jáne sheteldik jetekshi endoskopııalyq hırýrgter qazirgi zamanǵy endohırýrgııalyq jabdyqta qursaq qýysy, kishi jambas jáne ishperde artyndaǵy keńistik aǵzalarynda 3D, HD, ICG, 4K formattarynda vızýaldaýmen joǵary tehnologııalyq operasııalar jasaý josparlanǵan. 111

Mańǵystaý oblystyq perınataldyq ortalyǵynyń dırektory Jamal Jamanbaevanyń aıtýynsha, ǵylymı – praktıkalyq sessııa barysynda jatyr moıyny obyry hırýrgııasyndaǵy laparoskopııanyń múmkindikteri men shekteýleri, onkogınekologııadaǵy ınnovasııalarǵa kóbirek kóńil bólinbek.

«Gınekologııa salasyndaǵy laparoskopııalyq operasııalar jasaýda ár dárigerdiń óz tájirıbesi bolady. Al operasııalardy translıasııalaý kezinde analyq bezi obyrynyń taralǵan túri kezindegi laparoskopııalyq tolyq birinshi sıtoredýksııanyń dúnıejúzindegi alǵashqy tájirıbesi, laparoskopııalyq jambasty lımfodısseksııasjáne engizý kezeńderine mán beriledi. Sonymen qatar elektrohırýrgııanyń fızıkalyq negizderi, reprodýktıvtik jastaǵy áıelderge jatyr moıyny patologııasyn emdeýdiń qazirgi zamanǵy ádisteri, bastaýysh endoskopısttiń daǵdylaryn damytýdaǵy Wetlab róline de erekshe mán berilmek», - deıdi ol. 111

Kongress qorytyndysy boıynsha ǵylymı materıaldar jınaǵy shyǵarylmaq. Shara aıaqtalǵan soń, barlyq qatysýshylarǵa alǵys hattar men sertıfıkattar tabystalatyn bolady.

Aıta ketý kerek, atalmysh sharany ótkizý týraly sheshim Mańǵystaý oblysynyń ákimdigi, Qazaqstan endoskopııalyq hırýrgteri qaýymdastyǵy, Astana medısınalyq ýnıversıteti, Qazaqstan gınekologtar-endoskopısteri qoǵamdyq birlestigi jáne Mańǵystaý oblystyq aýrýhanasy tarapynan qoldaý tapty.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir