• USD 468.56

  • EUR 497.56

  • RUB 7.3

  • CNY 67.18

28 Naýryz, 17:45:32
Almaty
+35°

Tarazdyqtar ortalyq «Dostyq»alańynda qur serýendep qana qoımaı, qazaqtyń ulttyq oıyny toǵyzqumalaqty oınap úırenýge múmkindik aldy.Áýlıeatalyqtarǵa «qoıshylar algebrasy» atanǵan bul oıyn túrinen bilikti bapkerler dáris berdi, dep jazady Qamshy.kz aqparat agenttigi. 

Ortalyq alańda ornalasqan shatyrlardaǵy toǵyzqumalaq taqtasy qoıylǵan ústelderge dál osy oıyn túrine qyzyǵýshylyǵy bar qala turǵyny men qonaǵy jaıǵasa alady. Olarǵa oıynnyń qyry-syryn bilikti bapkerler nusqap otyrady. Tarazdyqtarǵa arnalǵan toǵyzqumalaq dárisi 10 kúnge sozyldy. Jasyratyny joq Elbasynyń «Bolashaqqa baǵdar:rýhanı jańǵyrý», «Uly Dalanyń jeti qyry» maqalalarynda qazaq órkenıetiniń ozyq úlgisin zaman aǵymyna saı dáripteý jaıy sóz bolady. Sol sekildi ǵasyrlar boıy ushqyr oı men asqan bilimdilikti qajet etetin saıys retinde ulttyń ortaq murasyna aınalǵan toǵyzqumalaqqa qyzyǵýshylardyń sany artqandyǵy qýanarlyq jaıt.

– Taraz qalasy men qonaqtaryna toǵyzqumalaqty úıretýdi arqyly ár jastaǵy azamattarǵa tól sporttyń qyr-syryn jaqynyraq tanystyrýdy maqsat etip otyrmyz. Tipti adamnan myqty logıkany, ushqyr oıdy qajet etetin oıyndy ulyqtap, ony halyqaralyq sportqa aınaldyrýǵa da bolady. Bıyl Túrkııada toǵyzqumalaqtan besinshi álem chempıonaty ótti. Erejesi óte qarapaıym ári jeńiske esep ushqyr jannyń enshisine buıyratyn bul oıyndy oılap tapqan babalarymyz shynynda osal bolmaǵan, – deıdi oblystyq toǵyzqumalaq qaýymdastyǵynyń tóraǵasy Batyrbek Qulekeev.

Rasynda qazaqtyń tól oıyny toǵyzqumalaqqa alys-jaqyn shet memleketter óte joǵary qyzyǵýshylyq tanytady. Bıyl Túrkııadan ótken ótken birinshilik besinshe álem chempıonaty sanalady. Dál osy birinshilikte álemniń 19 elinen úmitkerdiń baq synaýy toǵyzqumalaqtyń birte-birte halyqaralyq sportqa aınalyp kele jatqandyǵyn kórsetedi.

Negizinen toǵyzqumalaq sport on segiz otaýdan jáne eki qazannan turatyn arnaıy taqtada júz alpys eki tastyń kómegimen oınalady. Oıynshylar óz uıashyqtaryndaǵy tastardyń rettiligin saqtaı otyryp qarsylastyń uıashyqtarynan meılinshe kóp qumalaq alýdy maqsat etedi. Munda shabýyl jasaýshynyń salǵan tasy uıashyqtaǵy qumalaqtar sanyn jup etse ol avtomatty túrde qarsylastyń qazandyǵyna ótedi. Saıysta óz qazandyǵyna 82 jáne odan kóp qumalaq jınaǵan oıynsha jeńiske jetken bolyp sanalady.

Aıta ketý kerek oıynnyń bul túrin qazaq oıshyldary arasynda Abaı Qunanbaıuly asqan qyzyǵýshylyqpen oınaǵan eken.Sondaı-aq tarıhı zertteýler kezinde tasqa qashalǵan toǵyzqumalaq taqtasynyń tabylýy qazaq dalasynda bul oıynǵa degen qyzyǵýshylyqtyń óte joǵary bolǵanyn kórsetedi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir