Aqshuqyr aýylynda 600 oryndyq mekteptiń qurylysy bastaldy

Bul jóninde óńirlik kommýnıkasııalar alańynda ótken brıfıngte aıtyldy.  Aýdannyń bilim salasyna bólinetin qarjy bıýdjettiń 47 paıyzyn nemese 3 mlrd 614 mln. teńgeni quraıdy. 3-6 jas aralyǵyndaǵy balalardy mektepke deıingi tárbıe jáne oqytýmen qamtamasyz etý kórsetkishi 99,7% (3-6 jas aralyǵyndaǵy kezekte 125 bala tur). Jyl sońyna deıin 100% qamtamasyz etý josparda bar.Jyl basynda Taýshyq aýylynan 140 oryndyq «Gaýhar» jáne Aqshuqyr aýylynan 50 oryndyq «Janarys» jekemenshik balabaqshalary ashyldy. Sonymen qatar, jumys jasap turǵan balabaqshalardaǵy ońtaılandyrý esebinen jáne jeke ınvestısııa tartý arqyly Saıyn Shapaǵatov aýylynan árqaısysy 75 jáne 50  oryndyq  balabaqshalar ashý jumystary júrgizilýde.

Úsh aýysymdy mektepterdi jáne oqýshy ornynyń jetimsizdigin boldyrmaý maqsatynda Aqshuqyr aýylynan (14 shaqyrym) 600 oryndyq jańa mekteptiń qurylysy bastaldy.

Bıyl mektepti 299 oqýshy bitirdi. Ulttyq biryńǵaı testileýge 267 mektep túlegi qatysty. Oqý jylynyń qorytyndysymen 7 oqýshy «Altyn belgi», 9 oqýshy «Úzdik attestat» ıegeri atandy.

Balalardyń jazǵy demalys lagerlerimen qamtamasyz etilýi 100% nemese 7 341 balany qurady.

«Mektepke jol» jalpyrespýblıkalyq qaıyrymdylyq aksııasy  «Júrekten júrekke» atty uranymen ótti. Aýdan boıynsha áleýmettik az qamtylǵan otbasylardyń 550 balaǵa 4,9 mln.teńge kóleminde kómek kórsetildi. Aksııa áli de jalǵasýda.

2019 jyldyń  qańtar-tamyz aralyǵyndaǵy 1956 jumys orny quryldy.Barlyǵy jyl aıaǵynda 2411 jańa jumys oryny ashylady dep josparlanýda.

Tirkelgen jumyssyzdar sany – 476 adamdy qurap otyr.  40 adam - naqty jumyssyzdar. Qalǵan adamdardyń barlyǵy áleýmettik sharalarmen qamtyldy.

Qazirgi tańda 2019 jyldyń 8  aıyna  1810 adam nemese 301 otbasy ataýly áleýmettik kómek (AÁK) taǵaıyndalǵan. QR Eńbek jáne halyqty áleýmettik qorǵaý mınıstrliginiń 26 tamyzdaǵy №459 Buıryǵyna sáıkes qujattardy qaıta tekserý nátıjesinde                                 50 otbasynyń tabysy asyp ketý sebepterinen tólemder toqtalyp, keri qaıtarý jumystary júrgizilýde. Qalǵan otbasylarǵa tamyz aıy boıynsha tıisti  tólemder tolyqtaı tólendi. Qyrkúıek aıy tólemi jańa Buıryqqa sáıkes tıisti tulǵalarǵa qazan aıynyń 10-na deıin júrgiziledi.

Jyl basynan beri «Dıplommen aýylǵa» baǵdarlamasymen aýdan boıynsha 10 mamanǵa 1,7 mln. teńge kóleminde birjolǵy kóterme járdemaqy, 21 mamanǵa baspana satyp alý úshin 79,5 mln. teńge nesıe berildi.

Densaýlyqsaqtaý salasy boıynsha bala ólimi kórsetkishi byltyrǵy jylmen salystyrǵanda jaqsarmaǵan. Esepti kezeńde 6 bala ólimi tirkelip, kórsetkish 8,6 promılle boldy. Ana ólimi joq. Týberkýlezben aýyrý kórsetkishi byltyrǵy jyldyń tıisti kezeńinde 32,9 bolsa bıylǵy kórsetkish 31,2 promılle boldy.