• USD 389.52
  • EUR 429.21
  • RUB 6.07
  • CNY 54.94
15 Qazan, 15:33:56
Saılaý qarsańynda "joǵalyp ketken" akter Shrı-Lankadan sálem joldady (vıdeo)

14 Qyrkúıek, 2019 Aımaqtar

Jambyldaǵy alǵashqy oqý ornynyń 100 jyldyq tarıhy bar

Jambyl oblysy qurylǵan sátte óńirde úsh arnaýly orta bilim beretin oqý orny jumys jasap turǵan. Sonyń biri 95 jyldyq tarıhy bar qazirgi Abaı atyndaǵy Jambyl gýmanıtarlyq kolledji bolyp tabylady. 90 jyl buryn Shymkentten Taraz qalasyna kóshirilgen bul oqý ornynyń qurylýyna qazaqtyń birtýar uly Júsipbek Aımaýytov muryndyq bolǵan, dep jazady Qamshy.kz aqparat agenttigi. 

Alǵashynda bul oqý orny Shymkent qalasynda pedagogıkalyq tehnıkým retinde jumys jasaǵan. Oqý ornyna sol sátte Segizbaı Aızýnov basshylyq jasaǵan. Sol tusta Shymkent pedagogıkalyq tehnıkýmynda bilim alǵan Máýlen Balakaev fılologııa ǵylymdarynyń kandıdaty atansa, Tólegen Tájibaev Qazaq memlekettik ýnıversıtetiniń rektory boldy. Oqý ornynda alǵashqy jyldary tek ul balalar tek qazaq tilinde oqytyldy. Tek 1927 jyldan bastap munda qazaq jine ózbek qyzdaryn qabyldaı bastady.

Shymkent pedagogıkalyq tehnıkýmy 1929 jyly Syrdarııa oblystyq atqarý komıtetiniń buıryǵymen sol kezdegi Áýlıeata (qazirgi Taraz) qalasyna kóshirildi. Áýlıeata pedagogıkalyq tehnıkýmyna dál osy oqý ornyn Shymkent qalasynda támamdaǵan Sherim Ermanov dırektor bolyp taǵaıyndaldy. Tehnıkým Áýlıeataǵa kóship kelgennen onyń bilim alýshylaryna arnalyp 100 oryndyq jataqhana da paıdalanýǵa berildi. Áýlıeata pedagogıkalyq tehnıkýmy alǵashqy 10 jyl boıy tek qazaq tildi muǵalimderdi daıarlady. Tek 1939 jyldan bastap oqý ornynda orys bólimi ashyldy. Al 1940 jyly bilim ordasy Jambyl pedagogıkalyq tehnıkýmy dep atala bastady. Osy sátten bastap oqý ornynda bastaýysh synyptarǵa dáris beretin qazaq jáne orys tildi ustazdar daıyndaldy. Sondyqtan Jambyl pedagogıkalyq tehnıkýmy túlekteri óńirdegi saýatsyzdyq joıý isi belsene tartyldy.

Aıta ketý kerek Jambyl pedagogıkalyq tehnıkýmynda bilim alǵandardyń qatarynda qazaq ádebıetinde, ǵylymynda iz qaldyrǵan azamattar da bar. Máselen memleket jáne qoǵam qaıratkeri, jazýshy-pýblısıst Arǵynbaı Bekbosyn, ál-Farabı atyndaǵy Qazaq Ulttyq ýnıversıtetiniń oqytýshysy, fılogııa ǵylymdarynyń kandıdaty Jańǵara Dádebaev ta bir kezderi Jambyl óńirindegi tarıhı oqý ornynan tálim alǵan. Oǵan qosa bul kolledjdi uıymdastyrý isiniń basynda Alash arysy Júsipbek Aımaýytov turýy da oqý ordasynyń bedelin bıik ete túsedi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir