• USD 468.56

  • EUR 497.56

  • RUB 7.3

  • CNY 67.18

29 Naýryz, 05:01:53
Almaty
+35°

Taraz qalasynyń ákimi Qaırat Dosaev eńbek ardagerlerimen kezdesip, Elbasynyń «Bolashaqqa baǵdar: rýhanı jańǵyrý» baǵdarlamalyq maqalasy aıasynda oblys ortalyǵynda atqarylyp jatqan jumystardyń jaı-kúıin baıandady, dep jazady Qamshy.kz aqparat agenttigi. 

Kezdesýde shahar basshysy ardagerlerdi oblystyń 80 jyldyń mereıtoıy qarsańynda qolǵa alynatyn kóptegen sharýalarmen tanystyrdy.

–О́zderińizge málim aǵymdaǵy jyly Jambyl oblysynyń qurylǵanyna 80 jyl. Osy mereıli data qarsańynda ólkemizde kóptegen aýqymdy jumystar qolǵa alyndy. Aımaq basshysy Asqar Myrzahmetovtiń tapsyrmasymen qalanyń sáýlettik kelbetin jaqsartý maqsatynda eski ortalyq bazar mańyndaǵy «Shahrıstan» saýda ortalyǵynyń ornynda «Shahrıstan» tarıhı kesheni boı kóterýde. Aýmaǵy 200 gektar bolatyn keshende oblystyq ólketaný murajaıy, kólemdi saǵat stelasy, kórkemsýret galereıasy, 700-800 oryndyq amfıteatr, kórme zaly men «Rýhanııat» ortalyǵy salynady. О́tken jyldyń maýsym aıynda qolǵa alynǵan qurylys jumystary bıyl jyl sońyna deıin tolyq paıdalanýǵa berilmek. Ári oblys mereıtoıyna arnalǵan negizgi sharalary legi de osy keshen aýmaǵynda ótetin bolady, – dedi Qaırat Áskerbekuly.

Ardagerlermen ótken basqosýda qala ákimi Q.Dosaev kóne shahardy kóriktendirý maqsatynda bıyl «Tekturmas» mádenı-tarıhı kesheninde «Kóne-Qamal» ǵımaratyn salý jáne «Áýlıe-Ata» eskertkishiniń aýmaǵyn abattandyrý boıynsha jumystarynyń bastalǵanyna da erekshe nazar aýdardy.

Munan bólek shahar jurtshylyǵyn mazalaǵan turmystyq máseleler de sóz bolyp, olardy sheshý baǵytynda qolǵa alynǵan jumystar da aıtyldy. Máselen «Araı» shaǵyn aýdanynda bólingen 50 gektar jer teliminde kópqabatty turǵyn úıde turatyn turmystyq jaǵdaıy tómen januıalar jeke qosalqy sharýashylyqty qolǵa alý múmkindigine ıe boldy. Kúni búginge deıin 833 turǵyn osy aýmaqtan jer telimin alýǵa ótinishpen qaıyrylǵan. Olardyń árqaısysyna 0,06 gektardan jer berilmek. Munan basqa ózderin mazalap júrgen kommýnaldyq máseleler boıynsha tarazdyqtar «Ikomek-109» qosymshasynyń kómegine de júgine almaq. «Sıfrly Qazaqstan» memlekettik baǵdarlamasy arqyly júzege asatyn bul joba bılik pen buqara arasyndaǵy dáneker bolýymen qundy.

Qala ákimi baspanaly bolýdan úmitti kezekte turǵandar men jer telimin alýǵa ótinish bildirgenderdiń máselesi kezeń-kezeńimen sheshiletinin de atap ótti. Bul maqsatta bıyl 4 áleýmettik jańa jataqhana paıdalanýǵa berilse, keler jyly taǵy 4 jataqhananyń qurylysy qolǵa alynbaq.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir