Túpqaraǵanda kásipkerler arqyly 39 jumys orny qurylǵan

Bul jóninde búgin óńirlik kommýnıkasııalar alańynda ótken brıfıngte Túpqaraǵan aýdanynyń ákimi Aıdos Hamıev málimdedi.

-«Aýdanda halyq sany 1 shildedegi esep boıynsha 32 myń adamdy qurady, nemese ótken jylmen salystyrǵanda 5,3%. О́nerkásip ónimderiniń óndiris kólemi qańtar-qyrkúıek aılaryna 422,4 mlrd. teńgeni qurady, nemese ótken jylmen salystyrǵanda 26,5% artqan. 2019 jyldyń qańtar-tamyz aılarynda aýdanda 2,8 mln. tonna shıki munaı óndirildi, bul oblys deńgeıiniń 23,4 paıyzyn quraıdy.Naqty kólem ındeksteri 7 paıyzǵa tómendegen. Tómendep ketý sebebi aýdan kásiporyndarynyń shıki munaı óndirý kórsetkishteriniń tómendeýimen baılanysty bolyp otyr. Qazirgi tańda Bozashy jáne Dońǵa munaı kompanııalarymen jyl aıaǵyna deıin ónim óndirý kólemin arttyrý boıynsha kelissózder júrgizilýde»,-dedi A.Tańǵalıuly.

Aýylsharýashylyq salasy boıynsha aýdanda eki baǵytta: egin men mal sharýashylyǵy boıynsha damýda. Aýyl sharýashylyq ónimderiniń 2019 jylǵa josparlanǵan kólemi 2 mlrd. Teńgeni quraǵan.

Aýyl sharýashylyq ónimderi qańtar-tamyz aılaryna oryndalysy 1,2 mlrd. teńge nemese 100,4% bolǵan. 2019 jyly ósimdik sharýashylyǵy boıynsha 230 ga egin egilip, 1,3 mlrd. teńge bolatyn 2000 tonna ónim alý josparǵa qoıyldy. Barlyq egin sharýashylyqtary tamshylatyp sýarý ádisine kóshirildi. Aýdan boıynsha 143 sharýa qojalyǵy tirkelgen, onyń 31 sharýa qojalyǵy eginmen, al 112 - mal sharýashylyǵymen aınalysady.

Negizgi kapıtalǵa salynǵan ınvestısııa kólemi 2019 jyldyń qańtar-tamyz aılarynda negizgi kapıtalǵa salynǵan ınvestısııa kólemi 31 mlrd teńgeni qurap, tıisti kezeńmen salystyrǵanda 19,2% joǵary.

Qurylys jumystarynyń kólemi qańtar-tamyz aıyna qurylys jumystarynyń kólemi 8,3 mlrd. teńgeni qurap, 2018 jyldyń sáıkes kezeńimen salystyrǵanda 2,6 esege kóp.

Kásipkerlerdi qoldaý baǵytynda 2019 jyldyń esepti kezeńinde 25 adamǵa 123,8 mln. teńge nesıe berilip, 39 jumys orny quryldy.

«Nur Kapıtal» óńirlik baǵdarlamasymen 2019 jylda 75,9 mln. teńgeniń 3 jobasy qarjylandyryldy. Qazir bankterdiń qaraýynda 7 joba bar. Jalpy somasy 148,9 mln. teńge.

Barlyq ekonomıkalyq qyzmet túrleriniń jumysshylarynyń ortasha jalaqysy 2019 jyldyń esepti kezeńinde 185 myń teńgeni qurap, ótken jyldyń sáıkes toqsanymen salystyrǵanda 5,6%-ǵa azaıǵan.

Aýdan boıynsha 2019 jyldyń 1 qyrkúıegine shaǵyn jáne orta kásipkerlik salasynyń tirkelgen sýbektileriniń sany 2041 birlikti qurady, ol 2018 jyldyń sáıkes kezeńimen salystyrǵanda 8,9% joǵary. Belsendi kásipkerlik sýbektileriniń sany 1851, ol ótken jyldyń sáıkes kezeńimen salystyrǵanda 0,7% artty. Shaǵyn jáne orta kásipkerlik salasynda jumyspen qamtylǵandar 3668 adamdy qurap, ol ótken jyldyń sáıkes kezeńimen salystyrǵanda 4,4% artty. Shyǵarylǵan ónim 5 mlrd. teńge nemese 124,7% qurady.

«Bastaý Bıznes» jobasy boıynsha 2019 jylǵa 3 kezeńmen 104 adamdy oqytylyp, 72 joba qorǵaldy.  Jastar úshin ashylǵan oqýǵa 44 jas oqytylyp, olardyń 28  bıznes jobalaryn qorǵady.