Murajaı qory saıası qýǵyn-súrginge ushyraǵan jambyldyqtar jaıyndaǵy mol málimettermen tolyǵady

Jambyl oblystyq tarıhı-ólkentaný murajaıynda Elbasy Nursultan Nazarbaevtyń «Bolashaqqa baǵdar: rýhanı jańǵyrý» baǵdarlamalyq maqalasy aıasynda 4 aýqymdy joba jasalǵan. Sondaı jobalardyń biriniń aıasynda jambyldyq saıası qýǵyn-súrgin qurbandary jaıyndaǵy derekterdi tolyqtyrý isi qolǵa alynyp otyr, dep jazady Qamshy.kz aqparat agenttigi. 

Arhıv derekterinde qazaq halqyna náýbet bolyp tıip, ult zııalylaryn qurban etken saıası qýǵyn-súrgin jyldary 4252 jambyldyqtyń jazalanǵany aıtylǵan. Onyń ishinde 988 adam jazalaýdyń eń aýyr túrine tartylypty. Jaqynda oblystyq tarıhı-ólketaný mýzeıi saıası-qýǵyn súrginge ushyraǵan tulǵalardyń jeke arhıvteri negizinde kórme uıymdastyrdy. Atalǵan sharaǵa Qaraǵandy oblysy ákimdiginiń mádenıet, arhıvter jáne qujattama basqarmasynyń ókilderi, «Bolashaq» akademııasynyń ǵylymı qyzmetkerleri men oqytýshylary, E.Býketov atyndaǵy Qaraǵandy memlekettik ýnıversıtetiniń oqytýshy-ǵalymdary men Qaraǵandy oblystyq tarıhı-ólketaný murajaıynyń qyzmetkerleri arnaıy kelip, kórmege oń baǵasyn berip ketti.

–Kórmege tanymal jýrnalıst Sabyr Aıthojınniń jeke arhıvinen arhıvtik qujattar men sýretter jáne tutqyndardyń anketalyq málimetteri, qazaqtyń asyl azamattary Qabylbek Sarymoldaevtyń, Sydyq Ablanovtyń, Túımebaı Áshimbaevtyń, Maǵazy Masanchıdiń, Turar Rysqulovtyń qaıtys bolǵandyǵyn rastaıtyn qujattar qoıyldy.Sondaı-aq kórmege kelýshilerdiń nazaryna aǵaıyndy Súleımenovterdiń týysqandary men KarLAG basshylyǵy jazysqan hattary da qoıyldy,– deıdi oblystyq tarıhı-ólketaný murajaıynyń bólim meńgerýshisi Ińkár Qazmadııarov.

Rasynda Jambyl oblysy tarıhynyń dál osy saıası qýǵyn-súrgin jyldary kezeńi áli de úlken ǵylymı izdenisti qajet etedi. О́ıtkeni bul jyldary oblystyń keı aýdandary men Áýlıeata qala ýezdik bóliniste Syrdarııa, Almaty, Qaraǵandy oblystaryna qarady. Sondyqtan qýǵyn-súrginge ushyraǵan jambyldyqtar jaıyndaǵy qundy derekter atalǵan oblystyń memlekettik muraǵatyna bolýy múmkin. Oǵan qosa sol sekildi quzyrly memlekettik mekemelerdiń ornyna qurylǵan vedomstvolardyń muraǵattarynan da tyń derekter tabylýy ǵajap emes. Bir sózben aıtqanda stalındik saıasattyń qurbanyna aınalyp saıda sany, qumda izi qalmaǵan jambyldyq jampozdar jaıyndaǵy derekqordy tolyqtyrý ýaqyt talaby. О́ıtkeni bul Elbasy maqalasynda aıtylǵandaı bolashaq pen tarıh arasyndaǵy sabaqtastyq úshin qajet bolyp otyr.