• USD 389.52
  • EUR 429.21
  • RUB 6.07
  • CNY 54.94
15 Qazan, 15:43:03
Saılaý qarsańynda "joǵalyp ketken" akter Shrı-Lankadan sálem joldady (vıdeo)

13 Qyrkúıek, 2019 Aımaqtar

Qurylys nysandary partııa baqylaýynda

Jambyl oblystyq jáne Taraz qalalyq máslıhattaryndaǵy «Nur Otan» partııasy fraksııasynyń janyndaǵy jáne oblystyq Partııalyq baqylaý komıssııasynyń birlesken toby «Nurly jol» jáne «Nurly jer» memlekettik baǵdarlamalary aıasynda Taraz qalasynda qurylysy júrgizilip jatqan nysandar qurylysynyń sapasyna reıd jasady. Shara barysynda birqatar kemshilikter anyqtaldy.

Máselen, Taraz qalasyndaǵy Sypataı batyr, Kósheneı, Abaı, Qolıýasshy Qoıgeldi, E. Nıetqalıev kósheleri, Jambyl dańǵyly boıynsha jylý magıstralin rekonstrýksııalaý, Sypataı batyr, Tóle bı, S.Aqqozıev, Qazybek bı, Aqqoshqar áýlıe, M.H.Dýlatı, Á.Komratov, D.Qonaev kósheleri boıynsha jylý magıstralin qaıta jańǵyrtý boıynsha qurylys jumystary júrýde. Qurylystyń E. Nıetqalıev kóshesindegi bóliginde jumys qarqyny tómen ekendigi baıqaldy. Salynyp bitken jylý qubyrlaryn jabý jumystary barysynda reglament talaptary saqtalmaǵan. Iаǵnı, qubyrlardy topyraqpen japqan kezde qabat-qabat etip jaýyp, ár qabatyn arnaıy tehnıkamen taptaý qajet. Munda birden topyraq úıilip jabylyp jatyr, taptaý jumystary jasalmaǵan. Qurylys bitip, asfalt tóselgen kezde, asfalt otyryp, jol júrýge jaramsyz bolý qaýpi bar. Sonymen qatar, qurylys jumystary merziminen keshigip júrgizilýde. Tipti arnaıy keste jasalmaǵandyqtan búgingi tańǵa 700 metr jylý magıstarline salynatyn qubyrlar áli kúnge qurylys basyna jetkizilmegen. Jylý qubyrlaryn jabatyn temir beton naýalar da jetispeıdi. Nátıjesinde, M-2 jylý magıstarli boıynsha jylý qubyrlaryn rekonstrýksııalaý jumystary óz merziminde aıaqtalmaý qaýipi bar. Merdiger kompanııa «JılStroıTaraz» JShS-niń bas dırektory M.О́mirbaevtyń aıtýyna qaraǵanda jylý qubyrlaryn aýystyryp, qubyrlarǵa joǵarǵy qysym arqyly sý aıdaý (opressovka, promyvka) jumystaryn 10 qazanǵa qaraı aıaqtap, sodan keıin abattandyrý jumystaryna kirispek.

Al, M-4 jylý magıstralin rekonstrýksııalaý jumystaryn «Techno Construction Company» JShS jylý magıstralindegi qurylys jumystary kelisim-shart negizinde 1 qyrkúıekte aıaqtalýy qajet bolsa, túrli problemalyq máselelerdiń kesirinen búgingi kúnge deıin aıaqtalmaǵan. Bul nysanda da kemshilikter qatary az emes. Qurylys jumystary júrip jatqan jerlerde arnaıy belgiler ornatylmaǵan, arnaıy qurylys lentalarymen nemese jaryq shaǵylysatyn (svetootrajaıýshaıa) lentalarmen qorshalmaǵan. Qurylystyń Sypataı batyr kóshesindegi bóliginde de qazylǵan jerlerdiń aınalasy qorshalmaǵan. Kelisim-shart negizinde qurylys júrgizý merziminiń

aıaqtalǵanymen, obektegi qurylys jumystary aıaqtalmaǵan, sonyń saldarynan turǵyndar jyly sýmen qamtamasyz etilmegen.

Budan keıin komıssııa músheleri Taraz qalasynyń 15 móltek aýdanyndaǵy «Nurly jer» turǵyn úı qurylysy memlekettik baǵdarlamasy aıasynda salynyp jatqan kóp qabatty turǵyn úılerdiń qurylysymen tanysty. Móltek aýdanda búginde 500 metr jerge jylý qubyrlaryn júrgizý jumystary qalǵan. Jumys bastalǵanymen, qarqyny baıaý ekeni anyqtaldy. Taraz qalasy ákimdigi qurylys bóliminiń basshysy T.Bıbosynov, jylý berý maýsymyna deıin 15 móltek aýdandaǵy jylý magıstraliniń qurylysy tolyq aıaqtalyp, paıdalanýǵa berilgen kóp qabatty turǵyn úılerge ýaqytynda jylý jetedi deıdi. Komıssııa músheleri reıd qortyndysy boıynsha arnaıy usynymdar qabyldady. Máselen, Jambyl oblysy ákimdigi energetıka jáne turǵyn úı-kommýnaldyq sharýashylyq basqarmasynyń basyshysy N. Aldamjarovqa «Nurly jol» memlekettik baǵdarlamasy aıasynda Taraz qalasynda qurylysy júrip jatqan jylý magıstralin rekonstrýksııalaý jumystarynyń merziminde aıaqtalýyn, reıd barysynda anyqtalǵan kemshilikterdiń tolyq túzetilýin qamtamasyz etip, berilgen usynystardyń oryndalý barysy týraly aqparatty 20 qyrkúıekke deıin joldaý usynyldy.

Sondaı-aq, Jambyl oblysy ákimdigi memlekettik sáýlet-qurylys baqylaý basqarmasyna (Q.Aıtqulov) obektiler qurylysynyń sapasyna memlekettik sáýlet-qurylys baqylaýyn jáne qadaǵalaýyn júzege asyrýdy, osy obektilerde sáýlet-qala qurylysy tártibin buzý anyqtalǵan jaǵdaıda Ákimshilik quqyq buzýshylyq týraly kodeksinde belgilengen ákimshilik yqpal etý sharalaryn qoldaný, qoldanylǵan sharalar týraly aqparatty 23 qyrkúıekke deıin keshiktirmeı joldaý usynyldy.

Al Taraz qalasynyń ákimi Qaırat Dosaevqa reıd barysynda anyqtalǵan «Taraz Sý» MKK-na qatysty problemalyq máseleniń sheshilýin, jylý magıstralin rekonstrýksııalaý jumystaryn júrgizý úshin merdigerlerdiń jer qazý jumystaryna tıisti memlekettik organdardan alǵan kelisim qujattarynyń kóshirmelerin komıssııaǵa usyný, 15 móltek aýdanda júrgizilip jatqan qurylys nysandarynyń jobalaý-smetalyq qujattarǵa saı júrgizilýin, merziminde qarjylandyryp jáne qurylys jumystaryn júrgizý kestesiniń buzylmaýyn qadaǵalaý, qurylystyń merziminde aıaqtalýyn qamtamasyz etý usynyldy. Shahar basshysy atalǵan máseleler týraly aqparatty 20 qyrkúıekke deıin joldaýy tıis.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir