• USD 389.52
  • EUR 429.21
  • RUB 6.07
  • CNY 54.94
19 Qazan, 16:11:36
Nazarbaev: "Nur Otan" halyqty mazalaıtyn máselelerge aralaspaıdy

13 Qyrkúıek, 2019 Aımaqtar

Joldaýdan týyndaǵan mindetter talqylandy

Taraz qalasyndaǵy Ardagerler ortalyǵynda oblystyq ardagerler keńesiniń tóraǵasy Erkimbek Soltybaevtyń tóraǵalyǵymen keńeıtilgen tóralqa otyrysy ótti. Tóralqa májilisinde QR Prezıdenti Qasym-Jomart Toqaevtyń Qazaqstan halqyna arnaǵan tuńǵysh Joldaýynan týyndaıtyn mindetter talqylandy.

Bul másele boıynsha Joldaýdyń negizgi mazmuny men baǵyt-baǵdarlary jaıly oblystyq Bıler keńesiniń tóraǵasy Ońlasyn Esirkepov jan-jaqty baıandap berdi. Al, Joldaýdyń negizgi baǵyttary jaıly Taraz memletkettik pedagogıkalyq ýnıversıtetiniń professory Bılibaı Músilimov keń taldaý jasaı kelip, óziniń usynystaryn ortaǵa saldy.

Budan soń sóz alǵan Taraz qalalyq qoǵamdyq keńes tóraǵasy Qarjaýbaı Bekbolatov, eńbek ardageri Sh.Daýtov, eńbek ardageri M.Baıgeldıev, Taraz qalasynyń turǵyny M.Myńbosynov sııaqty qarııalar qazirgi kezdegi halyqtyń kókeıtesti máselelerin qozǵaı otyryp, odan shyǵý joldaryn kórsetkendigin qoldap, óz rızashylyqtaryn bildirdi. Osy shyǵyp sóılegen qarııalardyń sózderin jıynǵa qatysýshy barlyq ardagerler qoldady.

Kún tártibindegi ekinshi másele boıynsha Sarysý jáne Talas aýdandarynyń ardagerler keńesteriniń tóraǵalary Janat Jumadildaev pen Baıuzaq Kólbaıulynyń «Jastarǵa otansúıgishtik, adamgershilik jáne dinı tárbıe berý» taqyrybynda aýdan ardagerleriniń atqaryp otyrǵan jumystary týraly esepteri tyńdaldy.

Birinshi bolyp Talas aýdandyq ardagerler keńesiniń tóraǵasy K.Baıuzaquly 20 mınýttyq baıandama jasap, Talas aýdanynyń ardagerleri jastarǵa jan-jaqty tárbıe berý jaı-kúıine keńinen toqtalyp ótti.

Ekinshi bolyp, Sarysý aýdandyq ardagerler keńesiniń jańadan saılanǵan tóraǵasy Janat Jumadildaev baıandama jasady. Onda da aýdan ardagerleriniń jasaǵan jumystary naqty kórsetildi.

Kelesi kezekte tóralqa múshesi N.Seıdýalıev, psıholog R.Adılovalar suraqtarymen qosa, óz usynystaryn berdi.

Eki baıandamashyǵa tyńdaýshylar tarapynan da saýaldar qoıylyp, olar suraqtaryna qanaǵattanarlyq jaýaptaryn aldy.

Tóraǵa E.Soltybaev otyrysty qorytyndylaı kele, eki aýdannyń da ardagerler uıymdaryńyń jumystary basqa uıymdarǵa tájirıbelerin taratýǵa turarlyq dep tanylyp, osy jaıly sheshim qabyldandy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir