• USD 389.52
  • EUR 429.21
  • RUB 6.07
  • CNY 54.94
16 Qazan, 03:59:40
Saılaý qarsańynda "joǵalyp ketken" akter Shrı-Lankadan sálem joldady (vıdeo)

16 Qyrkúıek, 2019 Barlyq aımaqtar

"Ál-Qaıdanyń” negizin qalaǵan Ýsama ben Ladenniń uly qaıtys boldy

"Ál-Qaıda” terrorıstik uıymynyń negizin qalaǵan Ýsama ben Ladenniń uly Hamza ben Ladendi arnaıy operasııa kezinde atyp óltirgen dep jazady Qamshy.kz aqparat agenttigi centralasian.org saıtynyń deregin negizge alyp. 

"Ál-Qaıda” uıymyna jetekshilik etken Hamza ben Laden Pákistan men Aýǵanstan shekaralary mańyndaǵy aýmaqta qaza tapqan. AQSh prezıdenti Donald Tramp jarııalaǵan málimdemede oqıǵanyń qashan bolǵany aıtylmaıdy. Operasııanyń tolyq jaı-japsary da jazylmaǵan.

Málimdemede ben Laden ulynyń ólimi "Ál-Qaıda” uıymynyń kúsh-qýatyn álsiretip, ózge terrorıstik toptarmen baılanysyn azaıtpaq dep kórsetilgen.

Amerıkalyq BAQ Hamza ben Ladenniń qaza tapqanyn ákimshiliktegi belgisiz aqparat kózine silteme jasaı otyryp, tamyz aıynda habarlaǵan edi.

Buǵan deıin AQSh memlekettik departamenti jas shamasy otyzdan endi asqan Hamza ben Laden "Ál-Qaıda" uıymyndaǵy ákesiniń ornyn basýdy kózdep otyr dep málimdegen. Osydan keıin AQSh bıligi bıyl aqpanda ony ustaýǵa kómektesetin aqparat úshin mıllıon dollar syıaqy taǵaıyndaǵan.

Munyń aldynda Hamza ben Laden ınternet arqyly aýdıo jáne vıdeo úndeý jarııalap, AQSh-qa shabýyl jasaýǵa shaqyrǵan.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir