• USD 389.52
  • EUR 429.21
  • RUB 6.07
  • CNY 54.94
17 Qazan, 12:18:53
Prezıdenttik jastar kadr rezervine irikteýdiń kelesi kezeńine 904 qatysýshy ótti

13 Qyrkúıek, 2019 Aımaqtar

Aýyl jastary arasynda kókpardan jarys ótti

Jýyrda Jýaly aýdanynyń Qoshqar ata aýylynda aýdandyq «Jastar resýrstyq ortalyǵynyń» uıymdastyrýymen aımaqtyq kókpar saıysy ótti,.

Qoshqarata aýyldyq okrýginiń ákimi Jánibek Myrzalıev, aýdandyq «Jastar resýrstyq ortalyǵynyń» aýyldyq okrýgterdegi jastar isi nusqaýshylary saıysty arnaıy tamashalady.

Sharanyń ashylýynda sóz alǵan aýdandyq «Jastar resýrstyq ortalyǵynyń» dırektory Meıirjan Teleýshov pen Qoshqar ata aýyldyq okrýgtiń ákimi Jánibek Myrzalıev aýdan ákimdiginiń qoldaýymen alǵash ret ótkizilip otyrǵan aımaqtyq kókpar saıysynyń basty maqsaty óskeleń urpaqtyń boıyna ulttyq qundylyqtardy sińirý ekenin aıta kele, jınalǵan qaýymǵa rızashylyqtaryn bildirdi. Sonymen qatar aýyl aqsaqaly Bolat Baısymaqov qatysýshylarǵa sáttilik tilep, aq batasyn berdi.

Tanymal kókparshy Saǵynǵalı Jamaluly tórelik etken kókpar básekesi tartysqa toly bolyp, kópshiliktiń delebesin qozdyrdy. О́zara eki topqa bólingen komandalar ózara synǵa túsip, doda kórkin qyzdyrdy.

Alǵashqy aınalymda Rysbek batyr jáne Aqtasty aýyldarynyń shabandozdary kezdesip, ózara myqtyny anyqtady. Birinshi aınalym nátıjesinde 2: 1 esebimen Rysbek batyr aýylynyń jastary basym túsip, salymǵa Nurhat Esmahanuly men Nurdáýlet Jańabaıuly qol jetkizdi. Budan keıin Qoshqarata jáne Qyztoǵan aýyldary arasynda ótken saıys 4: 0 esebimen alań ıeleriniń paıdasyna sheshildi. Aqtasty jáne Qyztoǵan komandalary arasynda ótken básekede Aqtasty shabandozdarynyń mereıi ústem boldy.

Aqtyq saıysqa Qoshqarata jáne Rysbek batyr komandalary shyǵyp, jarystyń bas báıgesin ortaǵa saldy. Saıys qorytyndysy boıynsha, birinshi oryndy Qoshqarata komandasy ıemdense, ekinshi jáne úshinshi oryndy Rysbek batyr jáne Aqtasty komandalary ózara bólisti. Sondaı-aq, Qoshqarata komandasynyń shabandozy Joldas Jandos «Úzdik shabýylshy nomınasııasyna ıe bolsa, kókparǵa jaraý at daıyndaǵan Sáken Qyrǵyzbaev «Úzdik at bapkeri» atalymymen marapattaldy. Jeńimpaz komandalar men jarys úzdikterine «Jastar resýrstyq ortalyǵy» mekemesiniń arnaıy dıplomdary men baǵaly syılyqtary tabys etildi.

Sharany qorytyndylaǵan okrýg ákimi kókpar básekesiniń ótýine muryndyq bolǵan aýdandyq «Jastar resýrstyq ortalyǵyna» alǵysyn bildirdi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir