Tarazda transfýzıolog mamandar bas qosyty

Taraz qalasynda Qazaqstannyń ǵylymı-zertteý uıymdary men memlekettik organdary basshylarynyń qatysýymen «Transfýzııalyq medısınanyń ózekti máseleleri» atty Halyqaralyq ǵylymı-tájirıbelik konferensııa ótti. Alqaly jıynǵa Qazaqstan Respýblıkasynyń Memlekettik jáne kommersııalyq Densaýlyq saqtaý uıymdarynyń ókilderi, Reseı, Ýkraına, Belorýssııa, Tájikstan, О́zbekstan, Qyrǵyzstan jáne basqa elderden transfýzıologııa salasyndaǵy sarapshylar qatysty.

Qazaqstan Respýblıkasy Densaýlyq saqtaý mınıstrliginiń Transfýzıologııa ǵylymı-óndiristik ortalyǵy «Eýrazııalyq Medısınalyq Qaýymdastyǵy» zańdy tulǵalar birlestigi jáne Jambyl oblystyq qan ortalyǵy uıymdastyrǵan konferensııada professorlar, medısına ǵylymdarynyń doktorlary, federaldy memleketti-bıýdjettik mekemesi «N. I. Pırogov atyndaǵy Ulttyq medısınalyq-hırýrgııalyq ortalyǵynyń» Transfýzıologııa jáne qan quıý máseleleri kafedrasynyń meńgerýshisi Evgenıı Jıbýrt, «N. I. Pırogov atyndaǵy Ulttyq medısınalyq-hırýrgııalyq ortalyǵynyń» medısına ǵylymdarynyń kandıdaty Sergeı Madzaev, Irına Sımarova №52 Máskeý qalalyq klınıkalyq aýrýhanasynyń dáriger anestezıolog-reanımatology Irına Sımarova, doktorant, medısına ǵylymdarynyń kandıdaty Vadım Vladımırovıch, «Respýblıkalyq qan ortalyǵynyń» bas dárigeri Valentına Chýprova, «Respýblıkalyq qan ortalyǵynyń» dırektor orynbasary, medısına ǵylymdarynyń kandıdaty Aıganysh Satybaldıevalar saladaǵy máselelerdi kóterip, sheshý joldaryn qarastyrdy.

Konferensııa jumysy sheńberinde qan komponentterin daıyndaý, donorlyq qandy testileý, gemotransfýzııa qaýipsizdigin qamtamasyz etý, dáleldemelerge negizdelgen donorlyq qan komponentterin qoldaný, qan qyzmetindegi prosesterdi aqparattandyrý, qan júıesiniń onkologııalyq aýrýlary kezinde donorlyq tirkeý jáne diń jasýshalaryn transplantasııalaý sııaqty máseleler talqylandy.

Halyqaralyq konferensııa qan qyzmetiniń ınnovasııalyq baǵyttarynda tájirıbe almasýda, qoldanbaly zertteýler men donorlyq qan quıý salasynda úzdik tájirıbeni engizýde, jańa iskerlik múmkindikterdi damytý jáne perspektıvalardy taldaý ornyna qyzmet etetinin atap ótken jón.

Is-shara barysynda úsh baǵyt boıynsha seksııalar jumysy ótkizildi. Atap aıtqanda, dárigerler klınıkalyq transfýzıologııa, óndiristik transfýzıologııanyń ózekti máseleleri, qan qyzmetindegi aqparattyq tehnologııalar jáne transfýzııalyq medısınadaǵy zerthanalyq dıagnostıkasy týraly oı bólisti.

Halyqaralyq konferensııanyń keń aýqymdy ǵylymı baǵdarlamasy (30-dan astam baıandama) qazaqstandyq mamandarǵa transfýzııalyq medısına salasyndaǵy kóptegen qyzyqty habarlamalardy tyńdaýǵa jáne túrli jaǵdaılardy talqylaýǵa múmkindik beredi.