2020 jyly kimder úshin járdemaqy men áleýmettik tólem kóbeıedi

Áleýmettik tólemder mólsherin úshten birge arttyrý mindetti áleýmettik saqtandyrý týraly zań jobasynda qarastyrylǵan.

Zań jobasynyń negizgi maqsaty – mindetti áleýmettik saqtandyrý júıesindegi eńbek ótili men tólem mólsheri arasyndaǵy baılanysty nyǵaıtý.

Qazaqstan múgedekteri qandaı ústeme alady

Eńbek mınıstrligi múgedekterdi áleýmettik qorǵaý deńgeıin kóterý úshin eńbekke jaramsyzdyq boıynsha áleýmettik tólemderdiń mólsherin medısınalyq-áleýmettik saraptamada naqty belgilengen eńbekke jaramsyzdyq dárejesine súıene otyryp anyqtaýdy usynyp otyr.

Mysaly, jeti jyldyq qatysý ótili jáne 100 myń teńge ortasha aılyq tabysy bar, jalpy eńbekke jaramsyzdyq dárejesi 65% deńgeıinde belgilengen júıege qatysýshy úshin jańa parametrler eskerile otyryp, tólem mólsheri 31 myń 080 teńge bolady, al qazirgi parametrler boıynsha – 22 myń 988 teńge ( 35% ósim).

Asyraýshysynan aıyrylǵan qazaqstandyqtar úshin ústeme

Asyraýshysyz qalǵan otbasylardy áleýmettik qorǵaýdy arttyrý úshin asyraýyndaǵy adam sany koeffısıentin ózgertý arqyly áleýmettik tólemder mólsherin arttyrý usynylyp otyr. Sonymen, asyraýynda bir adam bolǵanda 40% -ten 50% -ke deıin; ekeý bolsa –50% -ten 65% -ke deıin; úsheý bolsa – 60% -ten 80% -ke deıin jáne tórt nemese odan da kóp bolsa – 80% -ten 100%-ke arttyrý kózdelgen.

Tutastaı alǵanda, zań jobasyna usynylǵan ózgertýler áleýmettik táýekelderdiń úsh túri – eńbekke jaramsyzdyq, asyraýshysynan aırylý jáne jumysynan aıyrylý boıynsha, ıaǵnı 200 myń alýshy úshin áleýmettik tólemderdiń mólsherin orta eseppen 30% -ǵa arttyrady. Sonymen birge, bul áleýmettik tólemder mólsheri men áleýmettik saqtandyrý júıesine qatysý uzaqtyǵy arasyndaǵy baılanysty nyǵaıtýǵa múmkindik beredi.