• USD 389.52
  • EUR 429.21
  • RUB 6.07
  • CNY 54.94
15 Qazan, 10:24:41
Ermekbaev: Jumys qaýipti, ómirleri úshin qaýip-qater bar

14 Qyrkúıek, 2019 Din men dástúr

Bas múftı senat tóraǵasy Darıǵa Nazarbaevadan kómek surady

Parlament senatynyń tóraǵasy Darıǵa Nazarbaeva 18 qyrkúıekte ótetin Álemdik jáne dástúrli dinder lıderleri sezi hatshylyǵynyń XVIII otyrysy qarsańynda Qazaqstan musylmandary dinı basqarmasynyń tóraǵasy Serikbaı qajy Orazben kezdesti dep habarlaıdy Qamshy.kz aqparat agenttigi.

Darıǵa Nazarbaeva Álemdik jáne dástúrli dinder lıderleri seziniń hatshylyǵy otyrysyna daıyndyq týraly jáne dinı forýmnyń mańyzyna toqtalyp, ultaralyq jáne dinaralyq úılesimdi saqtaý jáne ony nyǵaıtý qajettigin de atap ótti dep habarlady senattyń baspasóz qyzmeti. 

Kezdesý barysynda ımamdar tap bolyp otyrǵan ózekti máseleler – jalaqynyń tómendigi, sondaı-aq bilikti kadrlar daıarlaý jaıy da talqylandy. Bas múftı bıyl bir jarym myńnan astam teolog daıarlanǵanyn, alaıda olardyń 800-i eńbekaqynyń tómendigine baılanysty mamandyǵy boıynsha jumys istemeıtinin aıtty. Serikbaı qajy Oraz osy máseleni sheshýge járdemdesý týraly ótinishin jetkizdi. Tóraǵa bul másele zań shyǵarýshylar nazaryna usynylyp, talqyǵa salynatyn habarlady.

Bas múftı Nur-Sultan qalasynda "Hasekı" ýnıversıtetiniń fılıaly qurylyp, onda teolog-magıstranttar daıarlanatynyn jetkizdi. Darıǵa Nazarbaeva bul sheshimniń mańyzdylyǵyna nazar aýdardy.

Kezdesý barysynda Qazaqstandaǵy dinı mamandar tizilimi men musylmandardy jerleýdiń biryńǵaı standartyn jasaý, halyqqa túsindirý jumystaryn júrgizý, sondaı-aq QMDB jumysynda sıfrlyq tehnologııalardy engizý máseleleri talqylandy.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir