• USD 468.56

  • EUR 497.56

  • RUB 7.3

  • CNY 67.18

28 Naýryz, 18:50:30
Almaty
+35°

14 Qyrkúıek, 2019 Sport

Bokstan ÁCh 2019. Qazaqstan quramasy jarys kúnin jeńispen bastady (tikeleı efır)

63 kılogramdaǵy Zákir Safıýllın kanadalyq Tomas Blýmenfeldaǵa qarsy rıngke shyqsa, Tursynbaı Qulahmet (75 kılogram) chehııalyq Mılosh Bartlamen judyryqtaspaq.

Búgin, 14 qyrkúıekte qazaqstandyq boksshy Sáken Bıbosynov Reseıdiń Ekaterınbýrg qalasynda ótip jatqan álem chempıonatynyń 1/16 fınalynda Enhmandahom Harhýýdy  (Manǵolııa) jeńip, kelesi kezeńge joldama aldy, dep jazady Qamshy.kz aqparat agenttigi. 

52 kılogramda judyryqtasqan Bıbosynovqa bes tóreshiniń úsheýi jeńisti berdi. Endi Bıbosynov 1/8 fınalda Rıo Olımpıadasynyń kúmis júldegeri Iýrbergen Martınes Rıvasqa (Kolýmbııa) qarsy judyryqtasady. 

Bıbosynovtan bólek búgin rıngke qazaqstandyq eki boksshy shyǵady. 63 kılogramdaǵy Zákir Safıýllın kanadalyq Tomas Blýmenfeldaǵa qarsy rıngke shyqsa, Tursynbaı Qulahmet (75 kılogram) chehııalyq Mılosh Bartlamen judyryqtaspaq. Zákir Safıýllın úshin bul - osy jarystaǵy ekinshi jekpe-jek bolmaq. Ol buǵan deıin 1/32 fınalda Ázirbaıjan boksshysy Bahtııar Gazızbaevty jeńgen. Al Tursynbaı Qulahmet álem chepıonatyndaǵy alǵashqy jekpe-jegin ótkizbek.

(Qazaqstan boksshylarynyń jekpe-jegin tómendegi vıdeodan tikeleı efırde tamashalańyzdar)

Buǵan deıin Qazaqstan boksshylarynan Bekzat Nurdáýletov (81 kılogram) alǵashqy jekpe-jeginde jeńiske jetip, 1/16 fınalǵa jolda aldy.

Qazaqstan quramasy Ekaterınbýrgta ótip jatqan álem chepıonatyna tolyq quramda qatysyp jatyr. Boksshylardyń tizimin siltemeden kóre alasyz.

Eske salaıyq, bokstan erler arasyndaǵy álem chempıonaty jıyrmasynshy ret ótip jatyr. Bıylǵy chempıonattyń aldyńǵylardan ereksheligi - boksshylar segiz salmaq dárejesi boıynsha  ǵana júldege talasady. Sondaı-aq 2020 jyly Tokıoda (Japonııa) ótetin Olımpıada oıyndarynyń lısenzııasy sarapqa salynbaıdy. 

1993 jyldan bastap bokstan álem chempıonatyna qatysyp kele jatqan Qazaqstan quramasy 11 altyn, 12 kúmis, 17 qola júlde jeńip alǵan.  Qazaqstan boksshylarynyń arasynan álem chempıonatynda eń kóp júlde alǵan  - Serik Sápıev. Ol eki ret altyn jáne bir-bir retten kúmis pen qola júlde jeńip alǵan. 


 

 

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir