Aqtóbede 34 muǵalim jalǵan dıplommen jumys istep kelgeni anyqtaldy

Aqtóbede 34 muǵalim jalǵan dıplommen jumys istep kelgen dep habarlaıdy  Qamshy.kz aqparat agenttigi aktobenews.kz saıtyna silteme jasap. 

JOO muǵalimderdiń dıplom alǵandaryn rastamady.

34 muǵalimniń 13-i balabaqshada, 11-i orta mektepterde, 7-eýi kolledjderde, 3-eýi qalǵan bilim ordalarynda jumys isteıdi. Bes muǵalim mýzyka kolledjinde «fortepıano» mamandyǵy boıynsha joǵary bilim dıplomdarymen sabaq berip júr. Alaıda Q.Jubanov atyndaǵy Aqtóbe óńirlik memlekettik ýnıversıtetinde mundaı mamandyqpen túlekter daıarlanbaǵan.

Jalǵan qujattardy paıdalanǵan adamdardy jaýapkershilikke tartý jáne jalǵan qujattardy ázirlegen adamdardy anyqtaý úshin materıal ishki ister organdaryna joldandy.

Aqtóbe qalasynyń ákimi jáne bilim basqarmasynyń atyna zańsyzdyqty joıý týraly usynys jasaldy.