Danııar Eleýsinov qarsylasyn birinshi raýndta-aq nokaýtqa túsirdi (vıdeo)

Qazaqstandyq kásipqoı boksshy Danııar Eleýsinov sporttyq mansabyndaǵy segizinshi jekpe-jegin ótkizdi. Nıý-Iorktegi (AQSh) boks keshinde otandasymyz amerıkalyq Reshard Hıkspen judyryqtasty  dep habarlaıdy Qamshy.kz aqparat agenttigi Vesti.kz saıtyna silteme jasap.

Reshard Hıks 1984 jyly 17 qarasha kúni AQSh-tyń Kıllen qalasynda ómirge kelgen. 25 jasynda alǵash qolǵap kıedi. Jasy 34-ke kelse de kásipqoı boksta bar bolǵany 13 jekpe-jek ótkizip úlgergen. Sebebi ol kásipqoı rıngte nebári 2013 jyly aýysqan.

Birinshi jyly bir jekpe-jek ótkizse, 2014 jyly úsh márte judyryqtasty. Al odan keıingi jyldary keminde eki jekpe-jekten ótkizip otyrdy. Al Danııar Eleýsinov bolsa 2018 jyly bes ret sharshy alańǵa shyqqan. Amerıkalyq boksshy 13 jekpe-jeginiń tek bireýinde, Djonatan Stılmen teń túsken. Qalǵan 12 kezdesýinde jeńiske jetse, onyń altaýyn ýaqytynan buryn aıaqtaǵan. BoxRec reıtınginde Reshard Hıks 439 orynǵa jaıǵasqan. Danııar Eleýsinov bolsa 167 satyda.

Amerıkalyq boksshy WBB and Texas Welterweight Champ jáne WCF International Welterweight belbeýleriniń ıegeri. Hulu Theather kesheninde ótken keshte boksshylardyń jekpe-jegi 10 raýndqa josparlanǵan edi. Alaıda jekpe-jek birinshi raýndta-aq aıaqtaldy. Danııar Eleýsinov qarsylasyn nokdaýnǵa jiberip, birneshe aýyr soqqysyn jumsap úlgerdi. Artynsha ol amerıkalyq boksshyny ekinshi márte nokdaýnǵa jibergennen soń tóreshi jekpe-jekti toqtatty. Osylaısha qazaqstandyq boksshy segizinshi jeńisine qol jetkizdi.

Basty jekpe-jekte birinshi jeńil salmaqtaǵy boksshylar Devın Heını (22-0, 14 KO) pen Zaýr Abdýllaev (11-0, 7 KO) kezdesedi. Olar WBC chempıondyq ataǵy úshin aıqasady. Aıta keteıik, Danııar Eleýsinov 28 jastaǵy qazaqstandyq boksshy, kásibı rıngtegi alǵashqy jekpe-jegi 2018 jyldyń 28 sáýiri kúni Nıý-Iork qalasynda ótti. Kezdesýde boksshy amerıkalyq Noa Kıddti úshinshi raýndta nokaýtqa jiberdi. Sońǵy jekpe-jeginde chılılik Lýıs Norambýenamen (3-1-1, 2 KO)kezdesip, tóreshilerdiń biraýyzdan shyǵarǵan sheshimimen jeńiske jetti.

 

 

 

Posmotret etý pýblıkasııý v Instagram

 

 

"All she wrote" . . 1st round knockout by "Kazakh Thunder" @yeleussinovdaniyar Great job by trainers, thanks to @marateleussinov @d_santos_boxing_trainer @gclarktraining . My dear friend and partners Elvis Crespo @elvis_c_boxing Rufat Rzayev @iamrufatrr . Our promoter and partner @eddiehearn @matchroomboxing @khabartv @grantworldwide @boxraw @fightlabel . . . . . . . . . #boxing #boxingday #boxinghype #usa #florida #uk #kazakhstan #nursultan #astana #azerbaijan #baku #partnership #yeleussinov #london #supreme

Pýblıkasııa ot Ziya A. Aliyev (@ziya_a_aliyev) 13 Sen 2019 v 5:34 PDT