Ertisbaev Jákishevtiń ne sebepti túrmede otyrǵanyn túsindirdi (vıdeo)

Qazaqstannyń eks-prezıdenti Nursultan Nazarbaevtyń keńesshisi bolǵan Ermuhamet Ertisbaev Muhtar Jákishevtiń ne sebepti túrmede otyrǵanyn aıtyp berdi, dep jazady Qamshy.kz aqparat agenttigi. Bul týraly ol "Polıton" klýbynyń uıymdastyrýymen ótken "Nazarbaev Qazaqstan úshin kim" taqyrybyndaǵy  Muhtar Áblıazovpen (Qazaqstanda tıym salynǵan "Qazaqstannyń demokratııalyq tańdaýy" (QDT) qozǵalysynyń jetekshisi) debaty barysynda aıtty. 

"Men Jákishevti eshqashan saıası tutqyn dep sanaǵan emespin. О́ıtkeni onyń saıasatpen aınalysqany esimde joq. Ol Áblıazovtyń úshin túrmede otyr. Nege? Sebebi, Áblıazov Muhtar Jákishevti 400 mln. dollarlyq kúmándi kelisimge qol qoıýǵa kelistirgen. Qazir sot sol aqashanyń 250 mln. dolloryn qaıtarýdy talap etip otyr. Áblıazov sot surap otyrǵan qarajatty ózi tólep berse de bolatyn edi. Sebebi, Jákishev - Áblıazovtyń eń jaqyn dosy.  Áblıazovtyń BTA bank arqyly iri kólemdi qarajatty shetelge alyp ketkenin bári biledi. Jákishev úshin sot surap otyrǵan qarajat tólense, qazir Jákishev bostandyqta bolar edi", - dedi Ermuhanbet Ertisbaev.