• USD 378.65
  • EUR 430.07
  • RUB 6
  • CNY 55.1
17 Qyrkúıek, 03:19:48
Qazaqstanda másele sheshilý úshin aldymen adam ólý kerek

13 Qyrkúıek, 2019 Aımaqtar

«Aq Jol-Jastar» jastar qanatynyń Mańǵystaýdaǵy ókilderi Nur-Sultanda 10 tomdyq kitaptyń tusaýkeserin ótkizdi

Qazaqstannyń «Aq jol» Demokratııalyq Partııasy Mańǵystaý Oblystyq fılıaly janyndaǵy «Aq jol-jastar» jastar qanaty Nur-Sultan qalasyndaǵy L.Gýmılev atyndaǵy Eýrazııa ulttyq ýnıversıtetinde KSRO jáne QSR Halyq aǵartý isiniń ozyq qyzmetkeri, belgili tarıhshy, muraǵatshy-ǵalym, aýdarmashy, Qazaqstan Jazýshylar jáne Jýrnalıster Odaǵynyń múshesi, 400-den astam muraǵattyq zertteý maqalalarynyń avtory Zııada Ijanulynyń «Ashy sabaqtar», «Asyl qazyna», «Jaraly jyldar», «Mangyshlak», «Týrgaıskıı oblast», «Tobanııaz», «Alamesek», «Alasapyran», «Asyl mura» «Tárkileý qasireti» atty 10 tomdyq kitaptarynyń tusaýkeserin ótkizdi. 111

«Rýhanı jańǵyrý» aıasynda ótken jıynǵa Eýrazııa ulttyq ýnıversıtetiniń professor-oqytýshylary, Z.Ijanovtyń urpaqtary, stýdentter men magıstranttar, Nur-Sultan qalasynda turatyn zııaly qaýym ókilderi, Qazaqstannyń «Aq jol» demokratııalyq partııasynyń basshylary jáne buqaralyq aqparat quraldarynyń ókilderi qatysty. 111

Atalmysh shara tizginin EUÝ-dyń áleýmettik-mádenı damý jónindegi prorektory, QR UǴA akademıgi Dıhan Qamzabekuly júrgizip otyrdy.

-Izdeýshisi joq bolsa, kóp nárse umyt qalady. Artynda qalǵan materıaldardy jınaqtap, urpaqtary 10 tomdyq kitap qylyp shyǵaryp, oqyrman qaýymnyń ıgiligine usynyp otyr. Bul úlken eńbek. Osydan eki jyl buryn tórt tomdyq kitabynyń tusaýkeser rásimine kýá bolǵanym bar,-dedi Dıhan Qamzabekuly.

Sodan keıin qatysýshylar marqum Zııada Ijanulynyń ómiri men shyǵarmashylyǵyna arnalǵan «Muraǵat isiniń maıtalmany» atty derekti fılmdi tamashalaǵan kópshilik 10 tomdyq kitaptyń tusaýkeser rásimine kýá boldy. 111

Tusakeser rásimge «Aq jol» demokratııalyq partııasynyń tóraǵasy Azat Perýashev, eltańba avtory Jandarbek Málibekov, QR UǴA akademıgi Rahmetqajy Bersimbaev, fılolog-ǵalym Shákir Ybyraev, aqyn, «Aq jol» demokratııalyq partııasy tóraǵasynyń orynbasary Qazybek Isa jáne marqumnyń aǵaıyn-týystary qatysyp, Zııada Ijanovtyń shyǵarmashylyǵy týraly keńinen áńgimeler qozǵady.

-Biz búgin eldiń tarıhy týraly mol maǵlumat beretin qundy eńbekterdiń tusaýyn kesip otyrmyz. Baıqaǵanym, marqumnyń qujatqa muqııattyǵy keremet bolǵan. Bul 10 tomdyq tarıhshy-zertteýshilerge azyq bolady degen oıdamyn. Eń bastysy, kitap ǵylymnyń aınalysyna tústi, osyndaı eńbekke mol ter tókken shyǵarmashyl topqa jáne uıymdastyrýshylarǵa rızamyn, - dedi kórnekti ǵalym Shákir Ybyraev. 111

Sharada sóz alǵan zııaly qaýym ókilderi Zııada aǵanyń respýblıka úshin sińirgen eńbegi men Abaı Qunanbaevtyń qoltańbasyn tapqanyn erekshe atap ótti. Ásirese uly aqynnyń 175 jyldyǵynda Abaıdyń óz qoly mereıtoılyq tańbada turýy kerek degen de oılar aıtyldy.

Sonymen qatar, jınalǵan kópshilik osyndaı qundy eńbekti qoljetimdi qylyp, halyqqa syılap otyrǵan balalaryna alǵys bildirýdi de umytqan joq.

Shara barysynda tusaýy kesilgen kitaptardyń bir parasy tarıhshy ǵalymdar men EUÝ kitaphanasyna syıǵa tartyldy. 111

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir