13 Qyrkúıek, 2019 NEWS О́zgertý
Dáýren Abaev oqýshylarǵa eden jýǵyzýǵa baılanysty pikir bildirdi
Memleket oqýshylardyń arqasynda únemdeýdi kózdep otyrǵan joq.
Mektep oqýshylaryn tazalyq jumysyna tartý bastamasy aınalasyndaǵy daý áli basylar emes. Buǵan qatysty Aqparat jáne qoǵamdyq damý mınıstri Dáýren Abaev pikir bildirdi, dep habarlaıdy Qamshy.kz aqparat agenttigi.
"Jalpy, balalardy eńbekke tartýda turǵan eshnárse joq. Álbette, bul máselede birneshe nıýansty atap ótken jón. Birinshiden, bul oqý úrdisine kedergi keltirmeýi kerek. Búginde oqýshylardyń sabaǵy kóp. Odan bólek úıirmeler, qosymsha seksııalar bar degendeı. Ekinshiden, eden jýý erikti bolýy tıis. Bastama o bastan solaı. Iаǵnı, mektep ujymy ata-ana jáne oqýshylar birigip sheshim qabyldaýy kerek", – dedi mınıstr "Ashyq dıalog" baǵdarlamasynda.
"Áldekim qolyna eden jýatyn shúberekti ustaý ar-ojdanyna tıedi dep eseptese, ata-anasynan alynǵan salyq onsyz da eden jýýshylardyń jalaqysyna jumsalady dep oılasa, ondaı oqýshyny parta astyndaǵy qoqysty tazalaýǵa tartýdyń qajeti shamaly", – deıdi Abaev.
Sondaı-aq mınıstr memleket oqýshylardyń arqasynda únemdeýdi kózdep otyrmaǵanyn aıtty.
"Eden jýýshylar jumystan shyǵarylmaıdy. Mektepte kezekshilik, tolyq tazalaý jumysyn atqarǵanymyz esimde. Tipti qylsha terýge de barǵanbyz. Mektepke tıesili jer teliminiń kútimine jaýapty edik. Sonyń ózinde sabaq oqyp, sportpen shuǵyldanyp, túrli úıirmelerge qatysyp, tipti dıspotekaǵa baryp úlgeretinbiz", – dep atap ótti mınıstr.
Mınıst ata-analardyń kóbi osy joldan ótkenine nazar aýdardy.
"Oqýshylardyń kóbiniń ata-analary osy joldan ótkenine senimdimin. Tipti sol kez týraly erekshe jylylyqpen eske alatyny anyq. Álbette biz mektepte oqýshylardy basy artyq qajetsiz sharalarǵa tartýmen kúresýimiz kerek. Biraq balalardy eńbekke baýlyǵanda, jumys ornyn taza ustaýǵa úıretkende turǵan esh sókettik joq", – deıdi mınıstr.
Qate tapsańyz, qajetti bólikti tańdap ctrl+enter basyńyz.
Usynylǵandar
Kóp oqylǵandar
Pikir qaldyrý
pikir