• USD 468.56

  • EUR 497.56

  • RUB 7.3

  • CNY 67.18

29 Naýryz, 14:34:47
Almaty
+35°

«Taraz-Arena» sport kesheninde kıokýshınkaı-kan karateden uıymdastyrylǵan doda tartysqa toly boldy. Reseı, Iran, Japonııa, О́zbekstan, Tájikstan, Qyrǵyzstan jáne Qazaqstan memleketteriniń 300-den asa sportshy baq synaǵan sary qurlyq básekesinde jambyldyqtar jasyndaı jarqyryp, júldeli oryndardan kórindi dep jazady Qamshy.kz aqparat agenttigi. 

Jalpy baıraqty básekede 41 salmaq boıynsha 99 medal jıyntyǵy sarapqa salynǵandyqtan 10 jastan bastap Azııanyń kil myqty karateshileri Taraz tórinde jınaldy. Sondyqtan bolar dúbirli dodany kórýge yntyq jankúıerlerdiń de qarasy boldy.

Azııa birinshiligiń ashylý saltanatyna oblys ákimi Asqar Myrzahmetov arnaıy qatysyp, qonaqtarǵa degen ystyq yqylasyn jetkizdi.

- Qurmetti, sport súıer qaýym! Qurmetti, qonaqtar!

Kıeli Áýlıeata jerine qosh keldińizder! Osy dodanyń Taraz topyraǵynda ótýine uıytqy bolǵan uıymdastyrýshylar, myqty sportshylaryn alyp kelip otyrǵan ár memlekettiń bapkerlerine jáne tóreshilerge alǵysymdy bildiremin. Aıtýly alamanda shyn dúldúlder dara shabýyna tilektespin.

Keıingi jyldary Memleket tarapynan bul sport túrine keńinen kóńil bólinip keledi. Jambyl jerinde de talantty karateshiler ósip keledi. Bul jaqsylyqqa bastaıtyn jol.

Endeshe barlyq qatysýshylarǵa sáttilik tileı otyryp, Azııa chempıonatyn ashyq dep jarııalaımyn, - dedi aımaq basshysy.

Budan keıin QR Parlamenti Májilisiniń depýtaty, Kıokýshınkaı kan karate sporty respýblıkalyq federasııasynyń prezıdenti Omarhan О́ksikbaev, QR Mádenıet jáne sport mınıstrligi dene shynyqtyrý jáne sport komıteti tóraǵasynyń orynbasary Serik Jaqypbaev sóz alyp, barlyq sportshylardyń baǵy janýyna tilektestik bildirdi.

Munan soń jarys kórki qyza tústi. Tatamıge kóterilgen sportshylar naǵyz «jan alysyp, jan berisken» aıqas kórsetip, júlde jolynda aıanyp qalǵan joq. Dese de, jarys bolǵannan keıin júzden júırikter dara shabatyny belgili. Bul jolǵy sary qurlyq básekesinde ulttyq qurama sportshylary qarsylas shaq keltirmeı, barlyǵy 33 altyn medaldiń 27-in jeńip aldy. Budan bólek, 30 kúmis pen 29 qolaǵa ıelik etti. Al 4 altyn, 2 kúmis, 2 qola medalmen Qyrǵyzstan quramasy júldeli ekinshi orynǵa taban tiredi. Úzdik úshtikti 2 altyn, 1 kúmis medalmen О́zbekstan karateshileri túıindedi. Reseılikterge bolsa bul Azııa chempıonatynda bar-joǵy 2 qola medal ǵana buıyrdy.

Ulttyq qurama sapynda jambyldyq órender de tabysty óner kórsetkenin aıta ketken jón. Erler arasynda Seraly Ábilqasym altynnan alqa taǵynsa, qyzdar synynda 45 pen 50 kelide kúsh synasqan Toǵjan Amanbaı men Kamıla

Kemelbekova kúmis júldeni keýdelerinde jarqyratty. Beıbarys Asylbek pen Dinmuhamed Tasybek bolsa, qola júldeni qanaǵat tutty.

Aıta keteıik, bıylǵy sary qurlyq básekesine Japonııadan ataqty karateshi Shıhan Kondo arnaıy kelip, eki kúndik sheberlik sabaǵyn ótkizdi. Bul Jambyl karatesine jańa serpin beretini anyq.

Jeńimpaz jerlesterimizdi júldelerimen quttyqtaımyz!

Jaraısyńdar, jampozdar!

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir