• USD 378.65
  • EUR 430.07
  • RUB 6
  • CNY 55.1
23 Qyrkúıek, 05:17:52
Kekilbaevqa arnalǵan kesh

11 Qyrkúıek, 2019 Aımaqtar

О́zge ult ókilderi latyn árpinde dıktant jazdy

Búginde latyn álipbıine kóshý memlekettik saıasattyń basym baǵyttarynyń biri bolyp otyr. Osyǵan oraı jer-jerlerde halyqty latyn árpine úıretip, saýatyn ashý boıynsha aýqymdy jumystar júrgizilýde. Sondaı sharanyń biri – Jambyl oblysy Taraz qalasyndaǵy Sh.Ýalıhanov atyndaǵy oblystyq ámbebap kitaphanasynda ótti, dep jazady Qamshy.kz aqparat agenttigi. 

Jambyl oblysynyń Qazaqstan halqy Assambleıasy jáne oblys ákimi apparatynyń «Qoǵamdyq kelisim» KMM uıymdastyrýymen latyn qarpine negizdelgen qazaq álipbıinde ashyq dıktant jazyldy.

Dıktantqa barlyǵy 68 adam qatysty.Olardyń basym kópshiligi ózge etnos ókilderinen, memlekettik jáne azamattyq qyzmetkerler jáne mektep oqýshylary jańa álipbı boıynsha saýattylyqtaryn tekserdi.

Sharanyń maqsaty Qazaqstan Respýblıkasynyń Tuńǵysh Prezıdenti Nursultan Nazarbaevtyń 2012 jylǵy jeltoqsanda jarııalanǵan «Qazaqstan-2050» Strategııasyna, «Qazaq tili álipbıin kırıllısadan latyn grafıkasyna kóshirý týraly» 2018 jylǵy 19 aqpandaǵy №637 Jarlyǵyna sáıkes Qazaqstan Respýblıkasy azamattaryn latyn grafıkasyna negizdelgen qazaq álipbıin saýatty qoldanýǵa úıretý bolyp tabylady.

Jalpyqazaqstandyq dıktant «Myń bala» respýblıkalyq mádenı-aǵartý jobasy aıasynda latyn qarpine negizdelgen qazaq álipbıin qoldaný arqyly júzege asýda. Dıktant «2019 – Jastar jyly» taqyrybynda jazyldy.

Ashyq dıktant qazaq tilinde elimizdiń barlyq oblystarynda 2019 jylǵy 10 qyrkúıekte Nur-Sultan qalasynyń ýaqytymen saǵat 11:00-de bastaldy. Dıktantty saýatty jazýyn tekserý úshin arnaıy komıssııa quramy bekitilip, mátindi oqýǵa dıksııasy anyq ári taza, jańa qazaq álipbıin meńgergendigin rastaý týraly sertıfıkattalǵan mamandar tartylýda.

Dıktanttyń qatesin tekserýshi arnaıy komıssııa quramynda Jambyl oblysy ákimi apparatynyń «Qoǵamdyq kelisim» KMM ádiskeri О́mirbekov Kenjebaı Qalkózulyda boldy. Kenjebaı Qalkózuly «Osyndaı is-sharalar turaqtylyqty, qazaqstandyq biregeılik pen birlikti nyǵaıtýdy sondaı-aq, «Bolashaqqa baǵdar: rýhanı jańǵyrý» baǵdarlamalyq maqalasynda atalǵan zaman talabyna saı jańa qazaq álipbıin qoldanýdyń mańyzdylyǵyn qoǵam sanasyna sińirýdi odan ári kúsheıte túsedi. Bizdiń maqsatta sol Qazaqstan halqyn toptastyrýshy faktor retinde memlekettik tildiń rólin nyǵaıtý, qatysýshylarǵa qazaq tilin bilý, saýatty jazý deńgeıin tekserýge múmkindik berý jáne saýatty qoǵam bolýdyń mańyzdylyǵyna nazar aýdartý»- dedi óz sózinde.

Dıktanttyń qorytyndysy boıynsha 13 adam -óte jaqsy, 19 adam-jaqsy, 36 adam-ortasha dep baǵalandy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir