• USD 468.56

  • EUR 497.56

  • RUB 7.3

  • CNY 67.18

28 Naýryz, 22:35:00
Almaty
+35°

Sport – el saıasatynyń bir baǵyty. Sondyqtan elimizde buqaralyq sportty damytýǵa barynsha kóńil bólinýde. Jambyl oblysynda dańqty bapkerler men sportshylardy da dáripteý jolǵa qoıylǵan. Osyndaı úlken sharanyń biri «Taraz-Arena» sport kesheninde KSRO-nyń sport sheberi Baqytjan Tashmenovty eske alýǵa arnaldy, dep jazady Qamshy.kz aqparat agenttigi. 

Dodaǵa 2002-2003 jyldary týylǵan Qyrǵyzstan, О́zbekstan jáne Qazaqstan memleketterinen 500-ge jýyq sportshy qatysyp, kil myqtynyń ishinen shyn myqtyny anyqtady.

Týrnırdiń ashylýyna oblys ákiminiń birinshi orynbasary Bekbolat Orynbekov qatysyp, sportshylarǵa sáttilik telide.

- Búgin kóne Taraz shaharynda ár memleketten kelgen sportshylardy qarsy alýǵa qýanyshtymyz. Qazirdiń ózinde bir ǵana Jambyl oblysynda 2000-ǵa jýyq adam dzıýdo sportymen aınalysýda. Olar memlekettik qoldaýdyń arqasynda halyqaralyq dodalarda baq synyp, jeńimpaz atanýǵa múmkindik alýda. Tolaǵaılardy tárbıelep, kúlli álemge tanytýda jerlesimiz Baqytjan Tashmenovtyń sińirgen eńbegi eren.

Sondyqtan búgin aıtýly azamatty eske alýǵa ótip jatqan týrnırde barlyqtaryńyzǵa sáttilik tileımin, -dedi Bekbolat Serikbekuly.

Ashylý saltanatynda dzıýdo sportynan Rıo Olımpıadasynyń kúmis júldegeri Eldos Smetov te sóz alyp, jarysqa qatysýshylarǵa degen izgi tilegin jetkizdi.

Budan keıin týrnırdiń túndigi túrilip, birinshi kúni irikteý kezeńderi ótti. Onda 36 jambyldyq balýan baq synady. Al jarystyń ekinshi kúni medaldar jıyntyǵy sarapqa salyndy. Osy synda 60 kelide qarsylastaryn qoǵasha japyrǵan jambyldyq D.Qaıratuly týrnır jeńimpazy atansa, 55 kelide bozkilemge kóterilgen B.Pernebek te altynnan alqa taqty.

Qyzdar arasyndaǵy synda 63 kelide kúresken A.Orynbasarova kúmispen kúptelse, A.Adashan, Z.Turǵynbaı jáne A.Jupaeva óz salmaq dárejelerinde qola júldemen qýantty.

Jalpy jarysta О́zbekstan memleketiniń balýandary bir saty joǵary turǵandary anyq ańǵaryldy. Sondyqtan da olar júldelerdiń negizgi jıyntyǵyn enshilerinde áketti.

Negizi bul 24-qyrkúıekte Almaty qalasynda ótetin halyqaralyq týrnır aldyndaǵy irikteý bolyp tabylady. Al bul dodaǵa kezinde Memleket maqtanyshy Eldos Smetovtiń de qatysqanyn eskersek, Taraz tórindegi alamannyń balǵyn balýandarǵa bereri mol bolǵany anyq.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir