Almaty ákimdiginiń baspasóz ortalyǵynda ótken brıfıngte Naýryzbaı aýdanynyń ákimi Sanjar Toǵaı 10 eldi mekenniń JSQ jasalǵanyn, al tórteýiniń memsaraptamasynyń daıyn ekenin aıtty. Aldaǵy eki jyl ishinde Taýjoly, Quramys, Jaıly yqsham aýdandary sýmen qamtý jelisine qosylady. Aqjar eldi mekeni boıynsha konkýrstyq prosedýralar jasalýda, dep habarlaıdy Qamshy.kz aqparat agenttigi ákimdiktiń baspasóz qyzmetine silteme jasap.
S. Toǵaı uzaq jyldar boıyna sýsyz bolǵan turǵyndardyń sabyr saqtaýyn ótindi. Qala ákiminiń tapsyrmasyna saı jumystar qolǵa alynǵan. Sý jáne káriz jelileri tartylǵan soń joldar jóndeledi.
Jalpy, aýdan turǵyndarynyń teń jartysy nemese 70 myńǵa jýyq adam ásirese, jaz aılarynda sýdyń tapshylyǵynan zardap shegýde.
Naýryzbaı aýdanynyń ákimi jyl aıaǵyna deıin ıesiz kommýnaldyq jelilerdiń qala balansyna ótetinin habarlady. Qazirgi kezde 362 transformator qondyrǵylaryn, 80 km káriz jelilerin, 36 sý qubyrlary skvajınalaryn kommýnaldyq menshikke berý máselesi qarastyrylýda.
«Sý jelilerin jóndeý jumystaryna ózderi qarjy jınap, turǵyndar shyǵynǵa batýda. Mysaly, transformatorlardyń 70%-y tozǵan. Almaty ákimi Baqytjan Saǵyntaev jyl aıaǵyna deıin máseleni sheshýdi tapsyrdy, biz bul baǵytta jumystar júrgizýdemiz. Turǵyndar qosymsha shyǵyndardan arylyp, kommýnaldyq qyzmetterdi jalpyqalalyq tarıfter boıynsha tóleıtin bolady», – dep atap ótti S. Toǵaı.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir