Almaty ákiminiń tapsyrmalary qalaı oryndalýda

Búgin, 2 qyrkúıekte Almaty ákimdiginiń baspasóz ortalyǵynda ótken brıfıngte Naýryzbaı aýdanynyń ákimi Sanjar Toǵaı aýdan turǵyndarymen kezdesýdiń qorytyndysy boıynsha qala ákimi B. Saǵyntaev bergen tapsyrmalardyń qalaı oryndalyp jatqanyn aıtyp berdi, dep habarlaıdy Qamshy.kz aqparat agenttigi. 

Negizinen suraqtar turǵyn úı-kommýnaldyq sala, jer qatynastary, jol-kólik jáne ınjenerlik qurylym boıynsha qoıyldy.

«Shetsiz qala» baǵdarlamasy aıasynda aýdan ákimine 17 tapsyrma berildi, olardyń 4-in aýdandyq ákimdik (№27, 118 avtobýstar qatynasy boıynsha – baǵyttar uzardy, sý jelileri tartyldy, Shuǵyla yqsham aýdanyndaǵy balalar alańdary jóndeldi) oryndady, 4 suraq qalanyń basqarmalarymen birge (Shuǵyla yqsham aýdanyn gazben, energııamen jabdyqtaý) sheshimin tapty, 8 suraq boıynsha qala basqarmalarymen jumystar júrýde. Qalanyń Polısııa departamentimen birge aýdanda qaýipsizdik kúsheıtilýde.

Turǵyndarmen kezdesý kezinde 41 suraq qoıyldy, olar:

7 – kommýnaldyq problemalar boıynsha,

11 – kólik qatynasy boıynsha,

5 – jer ýchaskesi boıynsha,

9 - áleýmettik-medısınalyq qyzmet boıynsha,

3 – sport-mádenı obektiler boıynsha.

Búgingi kúni 4 suraq sheshildi, 13-in qyrkúıektiń sońyna deıin sheshý josparlanǵan, qalǵan 24 suraq qala basqarmalarymen birge sheshimin tabatyn bolady.