• USD 378.65
  • EUR 430.07
  • RUB 6
  • CNY 55.1
17 Qyrkúıek, 09:10:48
Qazaqstanda másele sheshilý úshin aldymen adam ólýi kerek

06 Qyrkúıek, 2019 NEWS

Almatyda Densaýlyq aılyǵy aıaqtaldy, nátıjesinde 17,5 myń adam tekserýden ótti

Búgin Almaty ákimdiginiń baspasóz ortalyǵynda Qoǵamdyq densaýlyq basqarmasynyń basshysy Qanat Tósekbaev Densaýlyq aılyǵynyń qorytyndysy týraly aıtty.

Almaty ákimi Baqytjan Saǵyntaevtyń tapsyrmasy boıynsha 1-30 tamyz aralyǵynda Qoǵamdyq densaýlyq basqarmasy medısınalyq qyzmettiń qoljetimdiligi úshin mobıldi toptardy halyq arasyna jibergen edi. Medısınalyq brıgadalar jańa yqshamaýdandarda, bazarlar men saýda ortalyqtarynda boldy.

Is-sharalar qalanyń alpystan astam shet aımaqtarynda júrgizildi, nátıjesinde 17,5 myń turǵyn tegin medısınalyq tekserýden ótti jáne dárigerlerden keńes aldy.

Medıkter holesterın men qandaǵy qant deńgeıin anyqtady, flıýorografııalyq tekserýlerden, VICh-ınfeksııa men teriniń sozylmaly aýrýlaryn anyqtaý úshin jedel testileýden ótkizdi, dene ındeksiniń antropometrııasyn belgiledi, kóz qysymyn ólshedi.

Turǵyndar men qala qonaqtaryna jalpy praktıka, lor jáne kardıolog dárigerler kóptegen keńester berdi. JPD – 11058, LOR – 4255, kardıologtar- 6899, gınekologtar – 2915, nevropatologtar – 4566, oftalmologtar – 5031, hırýrgtar – 3138 adamdy qarady. Sonymen qatar, ýrolog, pedıatr, dermatolog, onkolog, revmatolog, stomatolog, endokrınolog, áleýmettik qyzmetkerler men psıhologtar qabyldaý júrgizdi.

Flıýrografııalyq tekserýden 4581 adam, elektrokardıografııadan 6200 adam ótti, 10424 adamnyń holesterın, 10885 adamnyń qandaǵy qant deńgeıleri anyqtaldy, VICh-ınfeksııasyn anyqtaý úshin testileýden 5193, teriniń sozylmaly aýrýlaryn anyqtaýdan 3627 adam ótti, 5503 adamnyń kózderiniń qan qysymy tekserildi.

Densaýlyq aılyǵynyń nátıjesi boıynsha tekserýden ótken 8228 adamnyń mynadaı syrqattary anyqtaldy: AQ – 1984, IJA – 507, qant deńgeıi kóterilgender – 898, gıperholesterınemııasy barlar - 615, glaýkoma – 203, týberkýlez qaýpi bar – 19, AIT – 961, semizdik – 507, VICh qaýpi – 10, tynys alý joldarynyń syrqaty – 370, kóz aýrýy – 335, nevrologııalyq aýrýlar – 461.

Medısına qyzmetkerleri Densaýlyq aılyǵy barysynda turǵyndar arasynda Regıstr arqyly tirkelý jáne mobıldi qosymshany ornatý boıynsha aqparttyq-túsindirý jumystaryn júrgizdi.

Skrınıngten ótý jáne mindetti áleýmettik medısınalyq saqtandyrýdy engizý boıynsha aqparattyq-oqytý materıaldary taratyldy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir