• USD 468.56

  • EUR 497.56

  • RUB 7.3

  • CNY 67.18

29 Naýryz, 15:44:24
Almaty
+35°

Aǵymdaǵy jyldyń qyrkúıek aıynda qalada uzyndyǵy shamamen 140 shaqyrymdy quraıtyn 121 kóshedegi syrtqy jaryqtandyrý jelisiniń (SJJ) qurylysy aıaqtaldy.

Alataý, Áýezov, Jetisý, Medeý jáne Naýryzbaı aýdandarynda 139 shaqyrymnan astam jańa kabel júrgizilip, 2 326 tirek (baǵan) jáne zamanaýı LED shamdarmen jabdyqtalǵan 4 321 jaryq oshaqtary salyndy. Qazirgi ýaqytta SJJ testileýden ótýde. Jańa jylǵa qaraı Alataý, Bostandyq, Jetisý jáne Túrksib aýdandaryndaǵy taǵy 208 kóshege 4,8 myń zamanaýı shamdar ornatylady.

Sonymen qatar, myńǵa jýyq kóshe men 900 aýlany qamtıtyn syrtqy jaryqtandyrý qurylysy boıynsha jobalyq-smetalyq qujattamany ázirleý jumystary bastaldy. Jańa shamdardyń basty artyqshylyǵy sol, shamdardyń jaryqtyǵy, qyzmet etý merziminiń uzaqtyǵy, energııa tutynýdyń tómendigi jáne ekologııalyq qaýipsizdigi (LED-shamdardyń quramynda zııandy ári qaýipti zattardyń bolmaýy jáne kádege jaratýdyń arnaıy sharttaryn talap etpeıdi).

Jaryqdıodty shamdar gazrazrıadty-natrııli jáne synapty shamdarmen salystyrǵanda elektr energııany 1,5 – 2,5 ese az tutynady. Qazirgi qoldanystaǵy shamdardyń qyzýy úshin belgili bir ýaqyt qajet bolsa, LED shamdar birden berilgen rejımge enedi. Al olardyń myqty qurylymy mehanıkalyq zaqymdanýdan jáne qorshaǵan ortanyń áserinen qorǵaıdy.

Almatyda ornatylǵan jańa shamdar tústerdi erekshe berýmen de erekshelenedi. Onyń eń tómengi koeffısıenti 70±10 Ra, al natrıılerde bul kórsetkish úsh ese (40-tan 59 Ra-ǵa deıin) tómen. Iаǵnı, LED shamdar zattardyń túsin, túrin naqty ári dál kórsetýmen erekshelenedi. Bul kólik júrgizýshileri úshin asa mańyzdy. Búginde Almaty kóshelerindegi energııa únemdeıtin jaryqdıodty shamdardyń kórsetkishi 28% (qalany jaryqtandyratyn 97 myńnan astam shamdardyń 27 myńnan astamy LED shamdar).

Qala ákimdigi ázirlegen MJÁ qaǵıdattaryna sáıkes qalanyń syrtqy jaryqtandyrylýyn jańǵyrtý baǵdarlamasy 2023 jylǵa deıin júrgiziledi. Bul baǵdarlama 1 375,15 shaqyrym jańa kabel jelilerin júrgizýdi, 42 052 tirekterdi, sondaı-aq 45 829 LED-shamdardy ornatýdy kózdeıdi, onyń 44 576-i negizgi jáne 1 253-i qosymsha trotýarlarǵa arnalǵan. Energııa tıimdiligi jobasyn iske asyrý arqyly qala kóshelerindegi jaryqtandyrý júıesiniń elektr energııany tutynýy keminde 15%-ǵa tómendemek.

Almatyda SJJ-ny jańǵyrtý jumystary 2026 jyly aıaqtaý josparlanyp otyr.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir