Almaty Urban Fest 10 myńnan astam adamdy jınady

Qalanyń zamanaýı aǵymdaǵy toptary: BMX, Graffıtı, Vorkaýt, Kóshe bıleri, Strıtbol 3*3, Armreslıng, art-ınstallıasııa jáne basqalary bir alańda bas qosty.

Eki kúndik baǵdarlamalyq sharany kórýge ári jarystarǵa qatysýǵa nemese kóshe óneriniń ahýalynan nár alýǵa 10 000 astam adam jınaldy. Sportshylardyń basym kópshiligi úzdik ataný úshin saıysqa tústi.

Olardyń arasynda Nur-Sultan, Petropavl, Semeı, О́skemen, Shymkent, Taraz jáne Taldyqorǵan qalalarynyń turǵyndary men Qyrǵyzstan, О́zbekstan men Reseıden kelgen sheteldik qatysýshylar da boldy. Bulardyń barlyǵy – osynaý sporttyq sharaǵa oraı Almatyǵa arnaıy kelgender.

Festıvalǵa Almaty qalasy ákiminiń orynbasary Erjan Babaqumarov, Qazaqstan Respýblıkasy Mádenıet jáne sport mınıstrliginiń Sport jáne deneshynyqtyrý isteri jónindegi komıtet tóraǵasy Serik Sápıev qatysty.

«Búgin Ýrban festıval bizdiń qalamyzda alǵash ret ári meniń oıymsha joǵary deńgeıde ótti. Men mundaı merekelerdiń bizdiń qalamyzda jıi ótýine tilektespin. Sizderdiń árqaısylaryńyz úshin jeńister men baǵyndyratyn asýlar kóp bolsyn. Osynaý jolǵa túskender – úlken sportta óz jolyn tapqandar. Barlyqtaryńyzdy quttyqtaımyn jáne tabys tileımin», – dedi festıvalǵa qatysýshylar men qonaqtardy quttyqtaǵan E. Babaqumarov.

Festıvalǵa qazaq kınosynyń, telearnalarynyń juldyzdary, tanymal sportshylar, qoǵamdyq pikir jetekshileri qoldaý bildirip, shara sońynda «QazaqstanJastarFest» chellendj aıasynda Ýrban mádenıetti damytý estafetasyn Batys Qazaqstannyń qalalaryna tapsyrdy.

almaty.gov.kz