• USD 378.65
  • EUR 430.07
  • RUB 6
  • CNY 55.1
23 Qyrkúıek, 20:19:49
"Shetelde oqý – ómirlik mıssııa men qyzmettik jolyńyzdy tanýǵa kómektesedi"

09 Qyrkúıek, 2019 NEWS

Almatyda qala kúni qalaı merekelenedi

Aǵymdaǵy jyly Qala kúnin merekeleý aıasynda 24 tamyzdan 30 qyrkúıekke deıin 67 is-shara josparlanǵan, onyń ishinde jańa nysandardyń ashylýy, mádenı jáne sporttyq sharalar, kórmeler, aksııalar jáne t.b.

Onyń 34-i dástúrli bolyp tabylatyn mádenı is-sharalar. Olar: «Kók-Tóbe Opera» klassıkalyq mýzykanyń halyqaralyq festıvali, «Orkestrler festıvali» ashyq aspan astyndaǵy festıvali, «KITAP FEST» kitap festıvali, «Alma-Ata – moıa pervaıa lıýbov» mýzykalyq retro-festıvali, «Alma Quest» masshtabty qalalyq kvesti, «Gákký daýysy» qazaqstandyq mýzyka festıvali, «Almaty Film Festival» halyqaralyq kınofestıvali, «Alma fest» qalalyq dástúrli alma festıvali.

15 qyrkúıekte Qala kúnin merekeleý aıasynda – masshtabty qalalyq «Alma Quest» kvesti ótedi. Bul jumbaqtar men qupııalary, ańyzdary men tarıhy bar kósheler men aýdandardaǵy naǵyz saıahat.

Alma Quest – eki kezeńge bólingen qalalyq is-shara, múmkindigi men ýaqytyna baılanysty is-sharaǵa barlyǵy qatysa alady:

Tirkelý jáne aldyn ala testileýden ótý (mindetti emes) www.almaquest.kz saıtynda, testileýden ótý fınaldy oıynda upaı sanyn qosýǵa múmkindik beredi.

Alma Quest – bul bir ssenarıı boıynsha biriktirilgen tapsyrmalar tizbegi bar tańǵajaıyp jáne kóńildi komanda SPORT oıyny. Oıynnyń máni – qaladaǵy obektilerdiń shıfrlanǵan ornyn múmkindiginshe tez tabý, barlyq tapsyrmalardy durys oryndaý, bilimderińdi jáne tez oılaryńdy janyp, aqyrǵy núktege jetý.

Qatysý erejeleri, bastalý jáne aıaqtalý núkteleri, is-sharanyń ótetin ýaqyty, sonymen qatar júlde qory men syılyqtar týraly tolyq aqparat www.almaquest.kz veb-saıtynda.

VI Jylsaıynǵy «GAKKU DAÝYSY» qazaqstandyq estrada festıvali, 2019 jylǵy 14 qyrkúıekte Almatynyń «Astana» alańynda ótedi.

«Gakku Daýysy» – bul jyl saıyn ótetin zamanaýı qazaqstandyq mýzykanyń festıvali. Gakku telearnasy uıymdastyrǵan konsert barlyq tanymal ártisterdi, aǵa býyn ártisteriniń eń jarqyn ókilderin jáne ár túrli mýzykalyq janrlardyń ókilderin bir sahnaǵa jınaıdy.

2018 jyly besinshi mereıtoılyq festıval 200 000-ǵa jýyq adamdy jınady jáne Gakku arnasy men YouTube-tegi tikeleı efırdiń arqasynda álemniń túkpir-túkpirindegi kórermender konsertti tamashalaı aldy. HEDLAINERI:   «Án» teleshoýynyń ekinshi maýsymyna qatysýymen asa tanymal bolǵan artıst SayMo (Moldır Esenbek).

Almaty Film Festival 14-20 qyrkúıek aralyǵynda ótedi. Ashylý saltanaty halyqaralyq deńgeıli kınojuldyzdarynyń qatysýymen Respýblıka Saraıynda ótedi.

7 kún boıy ( 14-20 qyrkúıek) úsh negizgi alańda 60 astam kórsetilimder men is-sharalar ótpek:

Almaty Film District Bıznes-forýmy, onda kınoındýstrııa metrleriniń sheberlik sabaqtary, dóńgelek ústelder men Made in Almaty ssenarııleriniń baıqaýy ótedi (otel Mercure Almaty City Center);

Chaplin Cinemas kınoteatrlary óz zaldaryn festıvaldiń básekege qabiletti emes jáne básekeles emes baǵdarlamalarynyń fılmderin kórsetý úshin ashady.

Chaplin Cinemas kınoteatrlarynda jas juldyzdar TMD-daǵy Ýolt Dısneı kompanııasymen jáne Eýropalyq balalar kınosy qaýymdastyǵymen birlesip uıymdastyrylǵan balalar men otbasylyq kınolarǵa arnalǵan baǵdarlamanyń ashylýyna oraı qyzyl kilemmen ótedi.

Kınofestıvaldiń bıznes-is sharalary festıval ortalyǵyndaǵy   Mercure Almaty City Center otelinde ótedi.

Kınofestıval aıasynda bıznes-forým ótedi, onda otandyq kınony damytýdyń keleshegi, qazaqstandyq fılmderdiń basqa elderge eksporty, birlesken óndiris máseleleri, kınematograftyń Almatynyń týrıstik áleýetiniń damýyna áseri talqylanady.

Basty merekelik is-shara – 5 qyrkúıekte Tuńǵysh Prezıdent saıabaǵynda ótetin qalalyq «Alma fest» alma festıvali.

Parktiń aýmaǵy shartty túrde 6 belsendik aýmaǵyna bólinedi:

- dástúrli mádenıetti pash etetin «Qazaq aýyly» etno-parki;

- «Alma kids» balalarǵa arnalǵan oıyn-saýyq alańy;

- balmuzdaq festıvali;

- dámtatýlary bar alma strıt-fýdy men barbekıý aýmaǵy;

- 55 sharýa qojylyǵynyń qatysýymen ótetin alma jármeńkesi;

- «Alma activ» jastardyń belsendi demalys aýmaǵy.

15 qyrkúıekte saǵat 16.00-23.00 aralyǵynda Panfılov kóshesinde (Metro stansasynyń aldynda) «MusicQala» konserti ótedi. Bul jas mýzykalyq toptar men jas oryndaýshylardyń qatysýymen ótetin Almaty mýzykalyq festıvali.

Bıyl 10-shy ret, Qazaqstannyń bulbuly atanǵan, KSRO men Qazaqstannyń Halyq ártisi, Sosıalıstik Eńbek eri, KSRO men Qazaqstannyń Memlekettik syılyqtarynyń laýreaty, akademık Bıbigúl Tólegenovanyń 90-jyldyǵyna oraı Bıbigúl Tólegenovanyń H Halyqaralyq vokalıster baıqaýy ótedi.

Baıqaýdyń irikteý týry Abaı at. MAOBT teatrynyń kishi zalynda ótedi. Baıqaýdyń ashylý, jabylý jáne fınaldy týry Abaı at. MAOBT teatrynyń úlken sahnasynda ótpek.

Jas opera ánshileri osy baıqaýǵa qatysý úshin keń baıtaq Qazaqstannyń túkpir-túkpirinen, О́zbekstan Respýblıkasy, Qyrǵyz Respýblıkasy, Reseı, Bashqurtstan Respýblıkasy, Qyrym Respýblıkasy, Tájikstan Respýblıkasy, Qytaı Halyq Respýblıkasy, Moldova Respýblıkasy, Ázirbaıjan Respýblıkasy, Italııa, Bolgarııa jáne Monǵolııadan Almatyǵa keledi.

23 jáne 24 qyrkúıekte Qala kúnin merekeleý aıasynda Qurmanǵazy at. Qazaq Ulttyq konservatorııanyń Úlken konsert zalynda kameraly mýzykanyń «Áýen fest» festıvali ótedi.

Festıvalge Qazaqstannyń jeti aımaǵynan kelgen talantty mýzykanttar qatysady.

«Áýen Fest» respýblıkalyq festıval-baıqaýy kameralyq klassıkalyq mýzykany qazaqstandyqtar arasynda keńinen nasıhattaý jáne jas ónerpazdardy osy ónermen tanystyrý maqsatynda ótkizilip otyr.

Sonymen qatar, qalanyń ár aýdanynda mádenı sharalar ótedi – konsertter, jarystar, sporttyq estafetalar, merekelik saýda uıymdastyrylady.

2-15 qyrkúıek aralyǵynda qalany merekelik bezendirý úshin 45 anshlag, 1 djamba, 10 bılbord bir stılde bezendiriledi. Sondaı-aq, metro stansııalary monıtorlarynda Qala kúnine arnalǵan beınerolık ornalastyrylady.

Sonymen qatar, 12 qyrkúıekte Tuńǵysh Prezıdent saıabaǵynda 8 dana kishi sáýlettik úlgi ornatylady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir