Jetisý aýdanynda 100 aýla jóndeledi

Bıylǵy jyly 305 aýlanyń 244-i abattandyrylady. Bul týraly Jetisý aýdanynyń ákimi M. Qıqymov Almaty ákimdiginiń baspasóz ortalyǵynda ótken brıfıngte habarlady.

Aýla aınalasyn abattandyrý qala ákimi Baqytjan Saǵyntaevtyń megapolıs turǵyndarymen ótkizgen kezdesýlerinde jıi qoıylǵan suraqtardyń biri boldy. Qala basshysynyń tapsyrmasy boıynsha ýaqyty jáne jaýapty adamdar kórsetilgen naqtyly jospar jasaldy.

«Aǵymdaǵy jyly barlyq aýlalardyń 80%-ǵa jýyǵyn abattandyramyz. Qalǵan 40-y keler jyly qolǵa alynady. Aýdandy jasyldandyrý boıynsha aýqymdy jumystar júrgizemiz», – dedi M. Qıqymov.

2019 jyly Rysqulov, Súıinbaı dańǵyldarynyń, Gamarnık, Qazybaev, Birinshimaı munaı bazasy, Serikov, Boraldaı kósheleri men «Kókjıek», «Qulager» yqshamaýdandaryna, Omarov kóshesi boıyndaǵy skverge, «Gúlder» parkine jáne «Qapshaǵaı trassasy – Soltústik aınalma» jolaıryǵy boıyna 7,5 myń aǵash otyrǵyzý josparlanǵan.

Jalpy, aýdannyń jasyl qory 220,6 myń birliktegi aǵashtardy quraıdy. Jasyldandyrý normasy boıynsha 1 adamǵa 10 kv.metr aımaq – 58 myń aǵash birligi kerek.