12 Qyrkúıek, 2019 NEWS
Almaty ákimdiginiń baspasóz ortalyǵynda ótken brıfıngte Jetisý aýdanynyń ákimi Maqsat Qıqymov qazirgi kezde aýdannyń jaryqtaný deńgeıi 88,2%-dy quraıtynyn aıtty.
Onyń málimeti boıynsha, aýdanda uzyndyǵy 317 km bolatyn 10 055 jaryq kózderi, 121 basqarý shkaftary qyzmet kórsetýde.
Bıylǵy jyly Energotıimdilik jáne ınfraqurylymdyq damý basqarmasy 61 mekenjaı boıynsha 1473 syrtqy jaryq núktelerin júrgizýde.
«Almaty ákimi Baqytjan Saǵyntaevtyń tapsyrmasy boıynsha kóshe jaryǵyn ornatýda aýqymdy jumystar júrýde. Aýdandy tolyq jaryqtandyrý úshin aǵymdaǵy jyly 60 mekenjaıǵa 1181 jaryq núktesin ornatýdyń JSQ ázirlenedi. Al, bul aýdannyń kóshe jaryǵyn tolyq qamtamasyz etetin bolady», – dedi M. Qıqymov.
Bulardan ózge, aýdannyń jáne Jasyl ekonomıka basqarmasynyń kúshimen 9,5 km aryq jelileri salyndy jáne jóndeldi.
22 mekenjaı, onyń ishinde Raıymbek, Súıinbaı, Rysqulov dańǵyldary men kókjıek yqshamaýdanynda, «Almaty-2» mańynda aryq jelilerin salýdyń JSQ ázirleýge ótinish berildi. Qazirgi kezde aryq jelileriniń uzyndyǵy 100 kılometrdi quraıdy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir