• USD 468.56

  • EUR 497.56

  • RUB 7.3

  • CNY 67.18

29 Naýryz, 04:31:02
+35°

Jetisý aýdanynyń ákimi Maqsat Qıqymov Almaty ákimdiginiń baspasóz ortalyǵynda aýdan turǵyndary qoıǵan ózekti saýaldardyń qalaı oryndalyp jatqanyn aıtyp berdi, dep habarlaıdy Qamshy.kz aqparat agenttigi. 

Aǵymdaǵy jyldyń tamyz aıynda qala ákimi Baqytjan Saǵyntaevtyń Jetisý aýdanynyń turǵyndarymen kezdesýi ótip, onyń barysynda 52 turǵyn 82 saýal tastaǵan edi, qoıylǵan suraqtardyń 34-i birin-biri qaıtalady. Qazirdiń ózinde 11 suraq sheshimin tapty, 9 suraq boıynsha túsindirý jumystary júrgizildi, 24 suraq jumys ústinde.

M. Qıqymov óziniń sózinde Jetisý aýdanyn keshendi damytý jáne aýdan turǵyndarynyń turmys deńgeıin jaqsartý úshin áleýmettik nysandardy salý jáne jóndeý josparlanǵanyn aıtty.

Keler jyldyń qyrkúıegine deıin №80, №129 mektepterde seısmıkalyq kúsheıtýmen qatar kúrdeli jóndeý jumystaryn júrgizý josparlanǵan. Sonymen qatar, osy kezeńge Aınabulaq-4 yqshamaýdanynda 200 oryndy bala baqsha salý mejelengen.

Aýdanda birde-bir deneshynyqtyrý-saýyqtyrý kesheni joq. Osyǵan oraı, bul máseleni sheshý úshin MJÁ qaǵıdasy boıynsha DSK salý josparlanǵan, sonyń arqasynda tennıspen, fýtbolmen, dzıýdomen, bokspen jáne sporttyń basqa da túrlerimen aınalysyp, basseınde júzý úshin barlyq jaǵdaılar jasalady.

Kemel yqsham aýdanynda kúnine 200 adam qatynaıtyn emhana salý josparlanǵan. №11 emhana seısmıkalyq jaǵynan kúsheıtilip, kúrdeli jóndeýden ótetin bolady. Kúndizgi ońaltý ortalyǵynyń aýqymy keńeıedi. Turǵyn úı keshenin salatyn jeke ınvestorlarǵa emhana úshin 400 sharshy metr jer bólý josparlanǵan. Bulardan ózge, aýdannyń úsh emhanasyn medısınalyq quraldarmen jabdyqtaý boıynsha jumystar júrýde. Nátıjesinde, qala ákiminiń tapsyrmasyna saı, Jetisý aýdanynyń turǵyndary, ıaǵnı 47 myń adam bir qadam jaqyn sapaly medısınalyq qyzmetke qoljetkizetin bolady.

Almaty.gov.kz

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir