"Bılikten bıik tulǵa" derekti fılmi jaryq kórdi

Halqyna qaltqysyz qyzmet etýdiń ozyq úlgisin tanytqan HH-nshy ǵasyrdaǵy arystarymyz týraly ǵıbratty fılmder jaryqqa shyqty. Ardaqty arystarymyz týraly fılmderdi «Nazgúl Abýtrapova» atty «ÚouTube» arnasynan kórýge bolady.

Qaı zamanda da, qaı halyqqa bolsyn jer men til máselesi qasıetti de kıeli uǵym. О́ıtkeni ulttyń saqtalýyna da, joǵalýyna da sebep bolatyn eki-aq nárse bolsa, ol – Jeri men Tili! Osy ekeýin joǵaltqan jurttyń ózi de joǵalady. Qazaq eli úshin azaby men ǵajaby, sory men baǵy qatar órilgen HH-shy ǵasyrdy saralaıtyn bolsaq, kezeńder týǵyzǵan qundy qubylystar men qaıshylyqtar qarapaıym halyqpen qatar, bılik basyndaǵylardyń da taǵdyrynda kórinis taýyp jatty. 

«Ultynyń úlesine uly qubylys jasaý jolynda sol HH-shy ǵasyrdyń alyptary óz básekelesteriniń básin túsirip, kegin qozdyrdy. Kóre almaýshylyq qoısyn ba, bılik bulardyń bárin endi jolyn kespesteı etip, bıik shyńnan quzǵa qaraı domalatty ... Bul alyptardyń qatarynda kimder bar edi?... Fılmde osy jóninde erekshe tolǵanyspen aıtylady, halqymyzdyń iri tulǵalary týraly tarıhı derekter molynan kezdesedi» deıdi Dúnıejúzi qazaqtary qaýymdastyǵynyń baspasóz qyzmetiniń basshysy – hatshysy Syrymbek Tóleýuly.

Sonaý 1920 jyly qazaq jeriniń tutastyǵy jolynda basyn qaterge tigip V.Lenınge deıin barǵan, sóıtip 5,5 mln qazaq ulty turyp jatqan 3.467.922 sharshy shaqyrym jer kólemin bekittirip, óz mıssııasyn adal atqaryp shyqqan nebári 29 jastaǵy Álimhan Ermekov pen Alash kósemderi boldy. Keshegi Keńester Odaǵyn Hrýshev basqarǵandaǵy eń zor saıası qateligi – qazaq dalasyn synaq alańyna aınaldyrýy men jerin bólshektep Máskeýge baǵyndyrǵysy kelýi, al, munaıly aımaǵyn Túrkimenstan men Ázirbaıjanǵa, ońtústik óńirdi О́zbekstanǵa bere salýy sııaqty zulymdyq ıdeıasyna ashyqtan-ashyq qarsy shyǵyp, ultynyń múddesin qolyndaǵy bılikten de bıik qoıǵan Nurtas Ońdasynov, «Kisendeýli jolbarys» atanǵan Jumabek Táshenev, jan baspaǵan japan dalamyzdyń qoınaýynan «qara altynnyń» qoımasyn ashqan Qanysh Sátpaev pen Shahmardan Esenovter, sondaı-aq, «Azııanyń asaý júregi» atanǵan Ospan batyr edi...

Endeshe, osy alyptardyń telegeı-teńiz ǵumyr-darııasy kıno tilinde kópshilik halyqpen dıdarlasýǵa daıyn!

Dúnıejúzi qazaqtarynyń qaýymdastyǵy tóraǵasynyń birinshi orynbasary Zaýytbek Turysbekov fılm túsirý ıdeıasyn usynyp, keńesshilik kórsetti.

Fılmderdiń avtory – Nazgúl Abýtrapova.