• USD 378.65
  • EUR 430.07
  • RUB 6
  • CNY 55.1
20 Qyrkúıek, 06:03:50
Latyn álipbıine kóshý máseleleri semınar-keńeste sóz boldy

11 Qyrkúıek, 2019 Aımaqtar

Tarazdyq sheber jınalmaly besik jasap shyqty

Tarazdyq ónertapqysh Pernebek Ahmetov besiktiń jınalmaly nusqasyn jasap shyǵarýda. Ol kásiptiń bul túrimen 7 jyldan beri aınalysyp keledi, dep jazady Qamshy.kz aqparat agenttigi. 

Elbasynyń «Uly Dalanyń jeti qyry» maqalasynda kóshpeli qazaq turmysynyń ejelden órkenıettiń ozyq úlgisimen bite qaınasatyndyǵy aıtylady. Rasynda sábıdiń taza ári jyly, qaýipsiz jatý úshin besikke bóleý dástúri baǵzy zamandaǵy qazaqy turmystyń ajyramas bir bóligi sanalady. Kúni búginge deıin balaǵa arnalǵan túrli jórgekter men uıyqtaýyna arnalǵan jıhazdar bola tura balasyn besikke bóleıtinder barshylyq. Ári tasymaldaýǵa ońaı jınalmaly besiktiń óndiriske engizilýi zaman suranysy deýge saıady.

Sheber Pernebek Qydyrbekuly 2012 jınalmaly besik jasaýyna telearnalardyń birinde kórsetilgen baǵdarlama túrtki bolǵanyn aıtady. Onda mamandardy besiktiń kúndelikti qoldanystan shyǵyp bara jatqandyǵynyń san túrli sebebine úńilgen.

–2012 jyly otandyq telearnalardyń birinen júrgen «Biz» baǵdarlamasyna kezekti shyǵarylymynda besik taqyryby kóterildi. Sonda bir kelinshek besikti alyp júrýdiń yńǵaısyz ekenin aıtyp mamandarǵa qarsy pikir bildirdi. Álgi kelinshektiń osy biri pikiri sanamda úlken silkinis jasady. «Qalaıda yńǵaıly besik jasap shyǵýym kerek» degen oı keldi. Sóıtip úsh aı boıy kúndiz-túni izdendim. О́zge jumystarym jaıyna qaldy.

Úsh aı ótkende oıymdaǵy jınalmaly besikti jasap shyqtym. Jumysyma ózge emes ózim de tańqaldym. Biraq kishileý boldy. Kórgenderdiń bári aıran-asyr bolyp, óz kózderine ózderi senbedi. Sóıtip besikti alyp Nur-Sultan qalasyna tartyp, «Ásem besik» ataýymen patenttep aldym,–deıdi Pernebek Qydyrbekuly.

Qolóner sheberi zamanaýı úlgidegi mundaı bir besikti jasap shyǵý úshin úsh kún qajet ekenin aıtady. Al onyń qolynan shyqqan jınalmaly besiktiń jalpy uzyndyǵy 83-85 santımetr. Besiktiń bul kólemn jınaý kezinde bar 11 santımetrge deıin kishireıtýge bolady. Salmaǵy 7-7,5 keli tartady.

Búginde erekshe týyndy el arasynda zor suranys ıe. Tipti tarazdyq sheberdiń erekshe týyndysy arqyly Mysyr, Túrkııa, Qytaı, Nepal, Germanııa, Bashqurtstan elderi de qazaqy besiktiń qudiretin tanyp júr eken.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir