Alataý aýdanynyń 11 yqshamaýdanynda ınjenerlik jeliler júrgizilýde

Qala ákimdiginiń baspasóz ortalyǵynda ótken brıfıngte Alataý aýdanynyń ákimi Shahmerden Ryspaev qala basshysymen kezdesýde turǵyndar tarapynan aıtylǵan kommýnaldyq máselelerdiń sheshilýi týraly aıtyp berdi.

Almaty.gov.kz saıtynyń jazýynsha, Alataý aýdanyna qarasty 11 yqshamaýdanynda, atap aıtqanda, «Áıgerim», «О́jet», «14-terrıtorııa», «Aqbulaq», «Shańyraq-5», «Samǵaý», «Kókqaınar», «Qarasý», «Shapaǵat», «Alǵabas», «Boraldaıda» sý qubyry jáne kanalızasııa jelileriniń qurylysy júrgizilýde. Jalpy uzyndyǵy – 333 shaqyrym bolsa, sonyń ishinde aýyz sý qubyry – 180 shaqyrym, káriz júıesi – 153 shaqyrym.

Sondaı-aq, qala ákimi B. Saǵyntaevtyń tapsyrmasy boıynsha «Áıgerim-1,2», «Darhan-Baıbesik», «Shańyraq-1,2», «Shapaǵat», «О́jet», «Tomırıs» jáne «Boraldaı» yqshamaýdandarynyń 65 kóshesinde jalpy uzyndyǵy 60 shaqyrym bolatyn syrtqy kóshe jaryǵynyń qurylysy júrgizilýde. Jumystardy aıaqtaý merzimi aǵymdaǵy jyldyń 14 qazanyna josparlanyp otyr.

Budanózge, «13-14 terrıtorııa», «Qarasý», «Darhan», «Samǵaý», «Aqbulaq», «Shańyraq-2», «Áıgerim-1» jáne «О́jet» yqshamaýdandarynyń 23 kóshesinde jalpy uzyndyǵy 4,5 shaqyrym bolatyn aryq jelilerin jóndeý jumystary júrgizilýde. Jumystar osy jyldyń 30 qarashasyna deıin aıaqtalmaq. Sondaı-aq ıesiz jelilerdi kommýnaldyq menshikke berý jumystary júrgizilýde.

Aýdandaǵy sot sheshimine sáıkes elektr jelisiniń shamamen 140 shaqyrymy ıesiz dep tanyldy. О́z ýaqytynda bul jelilerdi turǵyndar ózderi salǵan.

Jeliler qalamen qyzmet kórsetýshiler balansyna ótkennen keıin aýdan turǵyndary jelilerdi jóndeýmen jumys jaǵdaıynda ustaý úshin artyq tólemnen qutylyp qana qoımaı, jalpy qalalyq tarıfter boıynsha tólem júrgizetin bolady.