• USD 468.56

  • EUR 497.56

  • RUB 7.3

  • CNY 67.18

28 Naýryz, 23:01:01
Almaty
+35°

Elbasy 2020 jyly búldirshinderdi mektepke deıingi bilim berý mekemesimen qamtý deńgeıin 100 paıyzǵa jetkizý qajettigin tapsyrǵany belgili. Osyǵan oraı, búginde memleket pen jekemenshik áriptestik negizinde balabaqshalar kóptep ashylýda. Iаǵnı, kásipkerler memleket jasaǵan múmkindikti jibermeı, “Balapan” baǵdarlamasyn jandandyrýǵa den qoıýda.

Baızaq aýdanynyń Jańaturmys aýyldyq okrýginde ornalasqan Jibek joly aýylynda memlekettik tapsyrys aıasynda jekemenshik “Bórte” bóbekjaı - baqshasy el ıgiligine berildi.

Búldirshinder men ata-analardy qýanyshqa bólegen saltanatqa aýdan ákimi Nurjan Nurjigitov qatysyp, óziniń izgi tilegin bildirdi. Nurjan Moldııaruly sońǵy jyldary Úkimet tarapynan kórsetilip otyrǵan qoldaýlar nátıjesinde memleket pen jekemenshik áriptestik aıasynda on altynshy balabaqshanyń ashylyp otyrǵanyn, nátıjesinde aýdanda 3 pen 6 jas aralyǵyndaǵy balalardy 100 paıyz mektepke deıingi tárbıemen qamtýǵa qol jetkizilgenin aıtty. Barsha aýyl turǵyndaryn aıtýly qýanyshtarymen quttyqtap, jeke kásipker Lazzat Jabataevaǵa rızashylyǵyn jetkizdi.

Turǵyndar atynan sóz alǵan aýyldyq aqsaqaldar alqasynyń tóraǵasy Beısen Júzgenbaev bolashaq urpaqtyń tárbıesi aldymen balabaqshadan bastalatynyn alǵa tartyp, jeke kásipkerdiń aýyl búldirshinderin qoldaýdaǵy qadamyna sáttilik tiledi.

100 oryndyq qos qabatty jańa ǵımarattyń kerme lentasyn aqsaqaldar alqasynyń tóraǵasy Beısen Júzgenbaev pen eńbek ardageri Jumabaı Nuradılov qıyp, ıgi tilekterimen bólisti.

Atalmysh balabaqsha qurylysyna jeke kásipker 230 mıllıon teńgege jýyq qarjy jumsaǵan eken. Munda tórt topqa bólingen 100 búldirshinge jeti pedagog tárbıe beredi. Sondaı-aq kishi qyzmetkerler sany on adamdy quraıdy. Jańa ǵımarattyń tabaldyryǵyn attaǵan 34 bala Aqsholaq aýylynan, 30 bala Kókbastaý men Tegistik aýyldarynan tasymaldansa, qalǵan qyryqqa jýyq búldirshin Jibek joly aýylynyń balalary.

Sonymen qatar, jańa nysanda zaman talabyna sáıkes barlyq múmkindikter qarastyrylǵan. Atap aıtqanda, mekeme meńgerýshisi, ádistemelik, medbıke, sharýashylyq meńgerýshisine jeke-jeke bólmeler berilse, ár topqa oıyn, jatyn, tamaq ishetin, kıim sheshinetin jáne ashana bólmeleri bólingen. Barlyq bólmeler talapqa saı bezendirilip, tósek - oryndar, qural - jabdyqtarmen qamtamasyz etilgen.

Sharada búldirshinderdiń joldaǵan sazdy sálemderi kóńildegi qýanyshty ústeı tússe, jańa qonysty aralap kórgen úlken - kishi osynaý balǵyndar úshin úlken syı bolǵan iske bek rızashylyqtaryn bildirisip jatty.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir