• USD 378.65
  • EUR 430.07
  • RUB 6
  • CNY 55.1
23 Qyrkúıek, 20:13:47
"Shetelde oqý – ómirlik mıssııa men qyzmettik jolyńyzdy tanýǵa kómektesedi"

10 Qyrkúıek, 2019 Aımaqtar

Mereıli mereke qarsańynda ardagerler ardaqtaldy

Jambyl oblysyndaǵy Jańatas shahary keńes dáýirinde fosfor óndirisimen tanylǵan, kenshiler qalasy bolǵan. Toqyraý jyldary reńi qashqanymen sońǵy jyldary qaıta shyraıy kirip, árlenip kele jatqan shaǵyn qala bıyl irgetasy qalanǵanyna 50 jyl tolýyn toılaýda. Osyǵan oraı Sarysý aýdanynyń ákimi Qanatbek Mádibek qalanyń 50 jyldyq merekesi qarsańynda qalanyń ósip-órkendeýine úles qosqan jastary 80-nen asqan búginde qarııa bolyp, aqylshymyzǵa aınalǵan azamattardyń úılerine baryp arnaıy marapattady.

Marapattaý barysynda 84 jastaǵy, 30 jyldan astam ǵumyryn taý-ken salasynyń taý qoparý, jarý jumysyna arnaǵan Eltaı Sádibekov aqsaqaldyń otbasynda boldyq. Arnaıy quttyqtap, omyraýyna Jańatas qalasynyń 50 jyldyǵyna arnalyp jasalǵan merekelik tósbelgisin qadap, áńgime dúken qurdy.

13 perzent ómirge ákelip, nemere, shóbere súıip baqytty qarııaǵa aınalǵan aǵamyzdyń januıasy taý-ken salasynda qyzmet etedi eken. Seksenniń seńgirinen assa da aǵamyzdyń áli de aıtary, bolashaq urpaqqa bereri kóp eken. Merekelik saltanatqa shaqyryp, syı-sııapatymyzdy kórsetken basshylarǵa batasyn berip, alǵysyn jetkizdi. Sodan soń 1961 jyldan bastap zeınetke shyqqanǵa deıin "BelAZ" júrgizgen Marat Isaevtyń shańyraǵynda boldyq. 30 nemere,9 perzent súıip otyrǵan 80 degi Marat Isaevtyń jary Rymjan apamyz ekeýi áli de bolsa tyń, bizdi esik aldyna shyǵyp aýdan ákimin qýana qarsy aldy. 1961 jyldan beri qaraı taý-ken salasynda belazdy urshyqsha ıirgen Marat aǵamyz zeınet jasyna shyqsa da, eldiń erteńine alańdap, bolashaqty baǵymdap, jastarǵa, balalaryna durys tárbıe berip kele jatqandyǵyn sózinen ańǵardyq.

Marapat pen syı-sııapatqa toly kúnniń jalǵasy qadirli qurlysshy Ojyraı Tursynbek jáne qurlysshy Marııa Stepanova syndy qarııalarymyzdyń otbasyna barýǵa ulasty. Uzaq jyldar sylaqshy, syrlaýshy bolǵan Marııa Stepanovna aýdan basshysynyń ystyq iltıpatyna qatty qýandy. Qarııalarymyz jas baladaı qýanyp, qalada oryn alyp jatqan jaqsy jańalyqtar úshin alǵystaryn bildirip jatty.

Aıta keteıik, 1964 jyldyń 20 sáýir kúni «Qarataýhımqurylys» tresiniń qurylys basshysy Roman Ille bolashaq salynatyn qalanyń alǵashqy qazyǵyn saltanatty jaǵdaıda qaqty. Osy sátten bastap qurylys orasan qarqynmen júre bastaıdy. Al, 1969 jyly 25 maýsymda respýblıkamyzdyń birinshi basshysy Dinmuhammed Qonaevtyń Jańatas poselkasyna qala statýsy berilgendigi jóninde Jarlyǵy shyqty.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir