Jambyldyq órt sóndirýshi "Polıglot" baıqaýynan tabysty oraldy

Aqmola oblysynda azamattyq qorǵaý qyzmetkerleri arasynda respýblıkalyq «Polıglot» baıqaýy ótkizildi. Atalǵan baıqaýǵa Jambyl oblysynyń atynan Jambyl oblysy Tótenshe jaǵdaılar departamenti О́rt sóndirý qyzmetiniń Shý aýdany, Shý qalasy №5 О́rt sóndirý bóliminiń órt sóndirýshisi Nádirbek Esenaman qatysty.

Esenaman ózin respýblıkalyq jáne oblystyq baıqaýlarda óte saýatty jáne bilimdi qyzmetker retinde kórsetti. Baıqaý kórermenderi onyń patrıottyq sezimmen shyǵarma oqý kezinde árbir sózin asa nazarmen tyńdap, tań qalǵany osynyń dáleli bolsa kerek.

Atalǵan respýblıkalyq baıqaý Qazaqstan Respýblıkasynda tilderdi damytý men qoldanýdyń 2011-2020 jyldarǵa arnalǵan memlekettik baǵdarlamasyn júzege asyrý aıasynda, sondaı-aq Qazaqstan halqy tilderi kúnine oraı ótti. Is-sharanyń maqsaty – úsh tildi biletin qyzmetkerlerge qoldaý kórsetý, Ishki ister organdarynda til saıasatyn nasıhattaý, qyzmetkerlerdi Otanǵa degen patrıottyq rýhta tárbıeleý boldy.

Shara barysynda qatysýshylar qazaq, orys jáne aǵylshyn tilderin jaqsy meńgergendigin kórsetip, ártúrli tótenshe jaǵdaılarda til bilýin qalaı paıdalaný kerektigin aıtyp, jazbasha jáne aýyzsha emtıhan tapsyrdy.

Respýblıkalyq baıqaý bes kezeńnen turdy: tanystyrý, úsh tilde termınderdiń maǵynasyn ashý, qazaq halqynyń salt-dástúrleri men ádet-ǵuryptary, turmysy men mádenıeti týraly suraqtarǵa jaýap berý, tabıǵı jáne tehnogendik TJ týraly jaǵdaıdy baǵalaý jáne sıpattaý, sondaı-aq kırıllısada ekranda berilgen sózderdi latyn grafıkasyna jazý.

Respýblıkalyq baıqaý kezinde Esenaman óziń jaqsy jaǵynan kórsete otyryp, belsendi qatysqany úshin alǵys hatpen marapattaldy.

Esenaman Nádirbek Abaı Qunanbaıulynyń 175 jyldyǵyna arnalǵan estafetany shilde aıynda ot jaýyngerlerdiń ishinen eń birinshi bolyp qoldaǵan bolatyn. Esenamannyń mánerlep oqý vıdeosy Jambyl oblysy Tótenshe jaǵdaılar departamenti Instagram jelisindegi paraqshasynda jarııalanyp, kóptegen oń pikirler jınady.

О́z kezeginde Esenaman mamandyǵymen birge shyǵarmashylyqty da birge alyp, ózin barlyq baǵytta damytýǵa tyrysyp júr. Ol Jambyl oblysy Tótenshe jaǵdaılar departamenti О́rt sóndirý qyzmetiniń jas qyzmetkerler arasynda belsendilerdiń biri bolyp, túrli is-sharalarǵa belsendi qatysady.