Jambyldyqtar Prezıdent Joldaýyn qoldaıdy

QR Prezıdenti Qasym-Jomart Toqaevtyń Joldaýyn qoldaýǵa baǵyttalǵan Biryńǵaı kúnniń sheńberinde Jambyl oblystyq Qazaqstan halqy assambleıasynyń kezekten tys otyrysy ótti.Otyrysqa etnomádenı birlestikterdiń ókilderi men basshylary, QHA músheleri, Aqsaqaldar keńesi, Analar keńesi, qoǵamdyq kelisim keńesi, «Jańǵyrý joly» JQ músheleri, Jambyl oblysynyń ǵylymı-saraptamalyq tobynyń músheleri, JOO oqytýshylary men stýdentteri qatysty.

Moderatorlyq tizgindi óz qolyna alǵan oblystyq Qazaqstan halqy assambleıasy meńgerýshisiniń orynbasary Jaqsylyq Jasórken Berikuly Joldaýdyń qoǵamdy qozǵaǵan suraqtarǵa jaýap bolǵanyn aıtty.

Jasórken Berikuly «2 qyrkúıekte Qazaqstan Prezıdenti Q.J. Toqaevtyń «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Qazaqstan halqyna Joldaýy aıtyldy. Prezıdent qoǵamdy tolǵandyratyn birqatar máseleler boıynsha aıqyn sheshimder qabyldap, tapsyrmalar berdi. Prezıdentimiz Q.Toqaev Joldaýynda túrli máseleler, sonyń ishinde memlekettik til, memelekettik qyzmet, azamattyq qoǵam, etnosaralyq tatýlyq sııaqty birqatar taqyryptar qozǵaldy. Sondaı-aq, Prezıdentimiz atalǵan máselelerdiń tolyq júzege asýyna ýáde beretininde aıtty.»-dedi, óz sózinde.

«Joldaýdaǵy birinshi kezektegi mindetter» týraly Taraz qalasynyń О́zbek etnomádenı birlestiginiń jetekshisi - Zaınýtdınov Abdrahman Iýldashevıch óz oıyn ortaǵa saldy. Somen qosa, «Eriktiler – bastamshylyq qasıetin damytatyn erekshe múmkindik» týraly oblystyq eriktiler jetekshisi Nurdildauly Medet óz pikirimen bólisti. Al, «Otbasy jáne analar ınstıtýtyna qoldaý» týraly oblystyq QHA Analar keńesiniń jetekshisi Mırajapova Mýhabbat Saıdýllaqyzy «El Prezıdenti Q.K.Toqaev Qazaqstan halqyna Joldaýynda otbasylyq qundylyqtarǵa, otbasy men balalar ınstıtýtyn qoldaýǵa, ınklıýzıvti qoǵam qurýǵa erekshe nazar aýdardy. Men Prezıdenttiń Joldaýyna ana jáne pedagog retinde óte rızamyn. Prezıdent otbasy qundylyqtaryna, otbasy men neke ınstıtýtyn nyǵaıtýǵa jáne memleket tarapynan qoldaýǵa erekshe kóńil bóletinin jetkizdi. Meniń túsinigimde, eger otbasy myqty jáne kúshti bolsa, memleket de solaı bolady. Bizge sanaly jastardy tárbıeleý kerek.»-dedi, baıandama barysynda.

Jıyn sońynda «Prezıdent Joldaýynda jańashyldyq» týraly M. H. Dýlatı atyndaǵy «Qazaqstan halqy Assambleıasy» kafedrasynyń meńgerýshisi, Jambyl oblysy Qazaqstan halqy assambleıasynyń ǵylymı-saraptamalyq toby tóraǵasynyń orynbasary, fılosofııa ǵylymdarynyń kandıdaty - Mamedova Parıda óz oıymen bólisti. «Prezıdent Qasym-Jomart Toqaevtyń Joldaýy saılaýaldy tuǵyrnamada aıtylǵan kóptegen

baǵdarlamalardyń kórinisi boldy. Meniń oıymsha, bul Joldaýdy halyqtyń kópshiligi jaqsy qabyldaıdy, óıtkeni ol ártúrli áleýmettik toptarǵa baǵyttalǵan, al memlekettik bılik organdary úshin Prezıdent aldaǵy kezeńge qoıǵan ózekti mindetterdi sheshýge naqty baǵdar beriledi. Joldaýdaǵy jańashyldyq «Úkimetke jyl sońyna deıin jumys istep ózderiniń jınaqtalǵan zeınetaqy qorynyń bir bóligin maqsatty paıdalaný máselesin pysyqtaýdy, mysaly, turǵyn úı satyp alý nemese bilim alý úshin paıdalaný». Bul shara óziniń zeınetaqy jınaqtaryn adal aýdaratyn Qazaqstandaǵy kóptegen otbasylardyń qarjylyq máselelerin sheshýge múmkindik beredi»-dedi, kafedra meńgerýshisi.