Japonııa úkimeti doǵarysqa ketti

Japonııa úkimeti sársenbi kúni tańda tolyq quramda doǵarysqa ketti dep habarlaıdy Qamshy.kz aqparat agenttigi RIA Novostı saıtyna silteme jasap. 

Japonııa premer-mınıstri Sındzo Abe óz kabınetiniń múshelerinen doǵarysqa ketý týraly aryzdaryn qabyl aldy. Buǵan shilde aıyndaǵy Parlamenttiń joǵarǵy palatasyndaǵy saılaý kezinde jeńiske jetken Abeniń aldyn ala josparlaǵan bılik quramyn ózgertýi men qazan aıynda tutynýshylar salyǵyn 10 paıyzǵa deıin kóteremiz degeni sebep bolǵan.

Byltyr qazan aıyndaǵy úkimettiń aýys-túıis kezinde kóptegen mınıstrler óz oryndaryn saqtap qalǵan bolatyn. Bıyl tek  úkimettiń bas hatshysy Esıhıde Sýga men qarjy mınıstri Taro Aso qaldy.

Japondyqtardyń aıtýynsha, "kóldeneń boıynsha" eki mınıstr ózara oryn almastyrady – SIM basshysy Taro Kono ekonomıka mınıstri bolady, al SIM basshylyǵyna ekonomıkany qaıta qalpyna keltirý mınıstri Tosımısý Motegı keledi.

Buryn da mınıstr bolǵan taǵy eki adam jańa úkimet músheligine  qosylady,qalǵan on úsh adam eń alǵash ret mınıstrlik quramǵa ótedi.

Tústen keıin jańa úkimet múshesiniń tizimi jarııalanady dep kútilýde. Keshke taman olardy ımperator saltanatty túrde bekitetin bolady. Sodan keıin ǵana úkimet múshesi resmı túrde jasaqtaldy dep esepteledi.