• USD 468.56

  • EUR 497.56

  • RUB 7.3

  • CNY 67.18

29 Naýryz, 09:26:03
Almaty
+35°

11 Qyrkúıek, 2019 NEWS

Balalardy zorlaǵandarǵa ómir boıyna bas bostandyǵynan aıyrý jazasy usynylýda

Ortalyq kommýnıkasııalar qyzmetinde aýyr qylmys jasaǵan azamattardyń jaýapkershiligin kúsheıtý jáne tıisti zańdy qatańdatý taqyrybynda brıfıng ótti, dep habarlaıdy Qamshy.kz aqparat agenttigi.

Brıfıngte Bas prokýrordyń orynbasary Marat Ahmetjanov Bas prokýratýra ázirlep jatqan sáıkes zań jobasyn tanystyrdy.

"Qazirgi tańda Qylmystyq kodeks pen Qylmystyq-prosessýaldyq kodeksti odan ári jetildirý boıynsha zań jobasy ázirlendi. Oǵan qasaqana aýyr jáne asa aýyr qylmystardyń jeke túrleri úshin jaýapkershilikti kúsheıtý boıynsha ózgerister engizildi. Máselen, birinshiden, jynystyq jýyspaýshylyqqa qarsy qylmys jasaǵany úshin, zorlyq-zombylyq pen seksýaldy sıpattaǵy áreketter jasaǵany úshin jaýapkershilik kúsheıtiledi. Endi bul qylmystar aıypty aýyrlatatyn jaǵdaılar bolmasa da, asa aýyr qylmystar sanatyna jatatyn bolady", – dedi Marat Ahmetjanov.
 
Onyń aıtýynsha, balalarǵa qatysty jasalǵan seksýaldy sıpattaǵy barlyq zorlyq-zombylyq áreketter úshin jaza qatańdaıdy. 

"Balalarǵa seksaýaldy zorlyq-zombylyq jasaǵany úshin endi ómir boıyna bas bostandyǵynan aıyrý nemese kem degende 20 jylǵa túrmege qamaý jazasy qarastyrylady", – dedi Marat Ahmetjanov OKQ brıfıngi barysynda.

Buǵan qosa, mamannyń málimetinshe, endi bundaı qylmysty bile tura jasyrǵan azamattar da qatań jazalanatyn bolady. 

Qymbat ELTAIQYZY
Foto ashyq derekkózderden alynǵan
"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir