10 Qyrkúıek, 2019 Mańǵystaý oblysy
Aqtaýda 2000 adamǵa arnalǵan drama teatr boı kóteredi.
-«Ábish Kekilbaıuly atyndaǵy oblystyq ólketaný mýzeıiniń jańa ǵımaraty salynyp jatqany belgili. Qarsy betinde Qabıbolla Sydıyqov atyndaǵy oblystyq kitaphana boı kótergeli jatyr. Eki ǵımarattyń ortasynan bizdiń teatrdyń jańa ǵımaraty da salynǵaly jatyr. Qazirgi ýaqytty jobasy jasaqtalýda. Onda 2000 oryndyq teatr-konsert zaly jáne 320 oryndyq teatr zaly bolady. Tek qana sahna emes, kórermenderdiń qatysýymen oınaıtyn spektaklder qazir dúnıe júzinde bar. Bizde de ondaı spektalder qoıyldy. Dese de kórermenderdiń qatysýymen ótetin 120 adamǵa shaqtalǵan zal da bolady. Búgingi emes, erteńgi kórermenderdi qanaǵattandyratyn úlken ǵımarat bolady. Sondaı-aq tek mýzeı, kitaphana, sahna emes barlyq qala turǵyndary demalatyn úlken demalys ornyna aınalady dep oılaımyn»,- dedi Mańǵystaý oblystyq óńirlik kommýnıkasııalar qyzmeti alańynda ótken brıfıngte Nurnııaz Muhanuly.
Ábish Kekilbaıulynyń 80 jyldyǵyna arnalǵan merekelik sharanyń ashylý saltanaty 11 qazan Amfıteatr sahnasynda bolady. Ony festıvalge qatysýshylar, qonaqtarmen birge búkil yntaly qala, oblys jurtshylyǵy kelip tamashalaı alady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir