• USD 389.52
  • EUR 429.21
  • RUB 6.07
  • CNY 54.94
08 Jeltoqsan, 10:13:59
Qazaqstan Ýkraınanyń saýda naryǵyna alańdaýly

10 Qyrkúıek, 2019 NEWS

"5 saǵattyq qoıylym": Sýdıa Muhtar Jákishevti merziminen buryn bosatýdan bas tartty

Muhtar Jákishevti merziminen buryn bostandyqqa shyǵarý jónindegi apellıasııalyq sot otyrysy aıaqtaldy dep jazady Qamshy.kz aqparat agenttigi. Sýdıa Muhtar Jákishevti merziminen buryn bosatýdan bas tartty.

О́skemen qalasynda sot otyrysy Muhtar Jákishevtiń qatysýynsyz ótti. Advokat Muhtar Jákishevtiń úshinshi toptaǵy múgedek ekenin jáne Qazaqstannyń ekonomıkasyn damytýǵa zor úles qosqanyn aıtty. 

Sýdıanyń úkimimen kelispegen belsendiler óz narazylyqtaryn bildirip jatty. Biri "5 saǵat boıy qoıylym qoıdyńdar" dep aıyptasa, jasy úlkender kózderine jas alyp, sýdıany qarǵady.

Eske sala ketsek, Muhtar Jákishev 2009 jyly mamyrda ustalǵan soń sybaılas jemqorlyq qylmysyn jasady dep aıyptalyp, 14 jylǵa sottalǵan. Ol jazasyn óteýge aldymen Almaty oblysyndaǵy Zarechnyı kentindegi túrmege jiberilgen, keıin Qaraǵandy oblysynyń Dolınka kentindegi qatań rejımdegi AK-159/6 kolonııasynda boldy. 2015 jyly týystary, advokaty men quqyq qorǵaýshylardyń ótinishiniń arqasynda ol Dolınkadan qaıta Zarechnyıǵa jiberilgen. Biraq 2017 jyly UQK-niń burynǵy tóraǵasy Nartaı Dútbaevtyń isine qatysty tergeý isine qatysý úshin Astana qalasynyń ızolıatoryna etappen jiberilgen. Tergeý isi aıaqtalǵan soń mamyr aıynda Dolınkaǵa, al shilde aıynan beri Semeı qalasyndaǵy qatań rejımdegi kolonııada jazasyn ótep jatyr.

«Qazatompromnyń» eks-basshysynyń advokaty Nurlan Beısekeev sońǵy medısınalyq tekserilýden soń onyń bas mı júıesinde aqaý bar ekeni anyqtalǵanyn aıtqan bolatyn.  Keıin byltyrǵy jyldyń 17 shildesinde Jákishovti Qaraǵandy oblysyndaǵy kolonııadan ShQO-oblysy Semeı qalasyndaǵy qatań rejımdi kolonııaǵa aýystyrdy. Osynyń sebebinen Muhtar Jákishevtiń densaýlyǵy taǵy da nasharlaı tústi.

Al jazda onyń jaǵdaıy múldem asqyna bastady. Jákishev úshinshi toptaǵy múgedek qataryna qosylyp, jumys jasaý qabiletiniń 50 paıyzynan aıyryldy. Sonymen birge Muhtar Jákishevtiń joǵary qan qysymnyń kesirinen kózdiń ishki tor qabyǵy jarylyp ketken. Kúz  mezgilinde Qaraǵandy qalasynda Jákishevtiń kózine operasııa jasaldy. 

Bul az bolǵandaı, qyrkúıek aıynda Muhtar Jákishevtiń anasy qatty syrqattanyp qaldy. Jákishev hál ústinde jatqan naýqas anasymen kezdesýine ruqsat berýin surap, ótinish jazdy. Alaıda 18 qyrkúıekte Muhtar Jákishevtiń anasy qaıtys boldy. Keıin qaraly habardy estigen Muhtar Jákishev anasyn sońǵy saparǵa shyǵaryp salýdy surap, ótinish jazdy. Biraq oǵan mundaı múmkindik berilmedi. 

Bıylǵy jyly 24 shildede Semeı qalalyq soty merziminen bosap shyǵýyn suraǵan ótinishin qanaǵattandyrmaı tastaǵan bolatyn. Odan keıin oblystyq sotqa shaǵymdanǵandardyń aryzy boıynsha qaralatyn istiń alǵashqy belgilengen ýaqyty ózgerip, qyrkúıektiń 10 kúni saǵat 16.00 aýystyrylǵan

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir