Astana Hub IT-startaptardy damytý baǵdarlamasyna qatysýshylardy qabyldaıdy

Astana Hub halyqaralyq tehnoparki IT-startaptardy damytý úshin Qazaqstandaǵy jalǵyz akselerattaý baǵdarlamasyna qatysýǵa ótinimderderdi qabyldaý bastaldy dep habarlaıdy Qamshy.kz aqparat agenttigi. 

Akselerattaý baǵdarlamasynyń negizgi maqsaty - startap ıelerine óz bıznesterin keńeıtýge, jobany damytýǵa ınvestısııa men klıentter tartýǵa kómektesý. Baǵdarlama barysynda ár jobaǵa jeke treker taǵaıyndalady, ol startapqa gıpotezalardy qalyptastyrýǵa, is-sharalar josparyn jasaýǵa jáne kompanııanyń bıznes-prosesterin qurýǵa kómektesedi.

Uıymdastyrýshylardyń aıtýynsha, baǵdarlama bastaý alysymen, startaptar úshin kásibı sarapshylar ár jobadaǵy bıznes-ıdeıanyń ómirsheńdigine, onyń tehnologııalyq, ekonomıkalyq jáne marketıngtik negizine dıagnostıka jasaıdy. Baǵdarlama 3 aı boıy jumys isteıdi.

Astana Hub baspasóz qyzmetiniń habarlaýynsha, osy ýaqytqa deıin 78 startap akselerattaý baǵdarlamasynan ótken. Al startaptar tartqan ınvestısııa kólemi 1 mıllıardtan astam teńgeni quraıdy.

Osylaısha, akselerattaý baǵdarlamasynyń tek tórtinshi legine qatysýshylar 47 mıllıon teńgeden astam ınvestısııa tartyp, 149 jumys orny ashyldy. Baǵdarlamaǵa qatysý úshin http://astanahubstartups.tilda.ws/accelerator saıtynda ótinish qaldyrý qajet. Árbir lekke startaptarrdyń shekteýli sany qabyldanady.