• USD 378.65
  • EUR 430.07
  • RUB 6
  • CNY 55.1
23 Qyrkúıek, 16:10:15
Kekilbaevqa arnalǵan kesh

09 Qyrkúıek, 2019 Aımaqtar

Jambyldyqtar "Otbasy kúnin" atap ótti

Elbasynyń Jarlyǵymen belgilengen «Otbasy kúni» merekesi qarsańynda Baızaq aýdandyq sotynyń bastamasymen №3 Baızaq kolledjinde «Otan otbasynan bastalady» atty saltanatty shara uıymdastyryldy.

Jıynda alǵashqy sózdi alǵan kolledj dırektory Muhıt Nysanbaev sharanyń maqsatyna toqtaldy. Otbasy – shaǵyn memleket ekendigin, sol memlekettiń múshesi sanalatyn urpaqtyń sanaly azamat bolyp ósýine ata-ananyń qosatyn úlesin, otbasy abyroıyn arttyrý, jastardy otbasy qundylyqtaryn qasterleýge tárbıeleýdiń ózektiligin jetkizdi.Aýdandyq sottyń sýdıasy Ansarbek Nazarkýlov jınalǵandardy qyrkúıektiń ekinshi jeksenbisi - Otbasy kúnimen quttyqtap, jas urpaqtyń azamat bolyp qalyptasýyndaǵy otbasynyń alar ornyn, otbasylyq mádenıetti damytýdyń mańyzdylyǵyn alǵa tartty. Dástúrli qazaq qoǵamynda erli-zaıyptylardyń ajyrasý derekteri sırek kezdeskenin, al búgingi tańda elimizde ajyrasý derekteri jyldan-jylǵa ósip otyrǵanyn, otbasy ınstıtýtyn saqtap qalý maqsatynda Joǵarǵy Sot usynǵan «Otbasylyq sot» pılottyq jobasy aıasynda aýdandyq sotta arnaıy ashylǵan «Otbasylyq kabınettiń» rólin áńgimeledi. Aýdandyq ardagerler keńesiniń áleýmettik máseleleri jónindegi komıssııa tóraǵasy, medıator Serik Balabekov otbasyn saqtap qalý úshin erli-zaıyptylar birin-biri qurmet tutyp, pikirlerimen sanasýy qajettigin aıtyp, bilimgerlerge otbasyn qadir tutyńdar degen keńesin berdi. Aýdandyq medıatorlar men psıhologtar qaýymdastyǵynyń tóraıymy Ǵaını Kóshekbaeva otbasy – Otannyń tiregi ekendigin, ulttyq rýhanı qundylyqtar otbasynda ata-ananyń tárbıesimen bala boıyna sińiriletindigin jetkizdi.

«Otbasynda adam boıyndaǵy asyl qasıetter jarqyraı kórinip, qalyptasady. Otanǵa degen ystyq sezim jaqyndaryna, týǵan-týystaryna degen súıispenshilikten bastalady», - dep Elbasy aıtqandaı, saltanatty jıynda kolledj bilimgerleriniń ata-analary, «Altyn alqa» ıegerleri, sarykemerlik Nazıra Muqajanova men úlgililik Aınur Kópbosynovaǵa syılyqtar tabystaldy. О́zderine kórsetken qurmetterine alǵys bildirgen qos ana atalǵan sharanyń jetkinshekterge beretin tárbıesi mol ekendigin aıtty.

Jalpy otbasylyq qundylyqtardy ulyqtaǵan sharada otbasy, ata-ana, Otan, týǵan jer, januıa jarasymdylyǵy týraly ásem ánder shyrqalyp, shaǵyn kórinister kórsetildi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir